Í áfanganum læra nemendur að nýta sér myndavélina í snjallsímanum sínum á skapandi hátt sem vinnutæki. Farið verður í listræna hlið ljósmyndunar, unnið með myndbyggingu, litafræði, lýsingu, formfræði sem og nálgun myndefnis. Verkefni áfangans miða að því að nemendur öðlist færni í að taka betri myndir á síma ásamt því að öðlast leikni í stafrænni myndvinnslu í tölvu þar sem notuð eru opin og frí myndvinnsluforrit. Unnið er með mismunandi aðstæður og birtu, inni og úti.
Nemandi skal hafa öðlast þekkingu og skilning á:
grunnatriðum sem snúa að ljósmyndatækni
þróunarsögu ljósmyndatækninnar
ókeypis myndvinnsluforritum
möguleikum sinnar stafrænu myndavélar
uppbyggingu, aðferðum og hugtökum ljósmyndunar
eigin styrkleika til að nýta sér í margs konar hugmyndasmíði og sköpun
notkun myndavéla í snjallsímum og vinnu í myndvinnsluforritum
Nemandi skal hafa öðlast leikni í að:
nýta fjölbreytt upplýsingaefni til þess að auka leikni sína í ljósmyndun
nota ókeypis forrit til myndvinnslu
nota fjölbreyttar aðferðir til að miðla myndefni sínu
nota myndavélina á símanum til listsköpunar og heimilda öflunar við ólíkar aðstæður
beita myndvinnsluforritum við vinnslu ljósmynda til að bæta þær og breyta
taka betri myndir með tilliti til myndbyggingar og lýsingar
Nemandi skal geta hagnýtt þá almennu þekkingu og leikni sem hann hefur aflað sér til að:
fanga ólík viðfangsefni í ljósmynd
ná fram fjölbreyttum hughrifum með myndvinnsluforritum
taka betri myndir og fullvinna til prentunar eða birtingar á netinu
sýni frumkvæði og skapandi nálgun í verkum sínum
Námsmat er útfært í kennsluáætlun í smaræmi við skólanámsskrá.