Nemendur kynnast lögmálum myndbyggingar í þessum áfanga þar sem þeir rannsaka hvernig
eðli myndflatarins breytist eftir því á hvaða hátt línur og form skipta honum upp. Farið er í
grunnaðferðir í meðferð lita þar sem nemendur kanna samspil þeirra, áhrif og virkni.
Nemendur öðlast færni í að blanda liti og beita þeim á markvissan hátt. Nemendur skoða ólíka
stíla, efnistök og aðferðir við að byggja upp málverk, vinna með bæði hlutbundin og
óhlutbundin verk í sínum rannsóknum. Nemendur vinna skissur út frá sínu nærumhverfi,
uppstillingum ásamt því að horfa í og vinna útfrá málverkum þekktra listamanna.
Nemandi skal hafa öðlast þekkingu og skilning á:
grunnhugtökum í lita og formfræði
ólíkum áhrifum lína og forma á mismundandi stöðum í myndfleti
mismunandi áhrifum og vægi lita
blöndun og beitingu ljós- og efnislita
klassískum fegurðarlögmálum og notkun þeirra í myndlist, hönnun og byggingarlist
Nemandi skal hafa öðlast leikni í að:
beita litum og formum til að ná fram mismunandi áhrifum
nota grunnhugtök í lita og formfræði
nota mismunandi efni og blanda liti
nota verk nokkurra myndlistamanna og hönnuða sem innblástur fyrir eigin vinnu
Nemandi skal geta hagnýtt þá almennu þekkingu og leikni sem hann hefur aflað sér til að:
rannsaka og þekkja muninn á hlutbundinni og óhlutbundinni myndbyggingu
nýta grundvallaratriði í myndbyggingu, lita og formfræði til að tjá eigin hugmyndir
rökstyðja skoðanir sínar um málefni sem tengjast mismunandi merkingu lita, forma og efnis
Námsmat er útfært í kennsluáætlun í samræmi við skólanámskrá.