Í þessum áfanga er farið yfir megin atriði þjálfunaráætlana, gerð þeirra og þarfagreininga fyrir almenning. Farið er yfir áhrif einstaklingsbundinna þátta á gerð þjálfunaráætlana s.s. aldurs, líkamsástands, sjúkdóma og markmiða hvers og eins. Nemendur fá þjálfun í að útbúa áætlanir fyrir ólíka einstaklinga.
Vöðva- og hreyfifræði (VOHR2VF05_2 og VOHR3VF10_2), íþróttalífeðlisfræði (ÍÞLE3ÞÍ05_2), afkastamælingar og hreyfigreiningar (MÆLG3MÆ05(A)_2
Nemandi skal hafa öðlast þekkingu og skilning á:
Mikilvægi þjálfunaráætlunar í að ná þjálfunarmarkmiðum.
Þeim fjölmörgu þáttum sem taka þarf tillit til við gerð þjálfunaráætlana.
Samspili mismunandi æfinga við þjálfun.
Samspil æfinga og stoðkerfisvanda.
Þekki til lífstílssjúkdóma og áhrif þeirra á líkamsþjálfun.
Meiðslahættu við æfingar m.t.t. ólíkra skjólstæðinga.
Nemandi skal hafa öðlast leikni í að:
Skrá þjálfunaráætlanir á tölvutæku formi.
Rita skýrar og skilmerkilegar þjálfunaráætlanir.
Nemandi skal geta hagnýtt þá almennu þekkingu og leikni sem hann hefur aflað sér til að:
Hanna þjálfunaráætlun frá grunni byggða á þörfum, getu og markmiðum viðkomandi skjólstæðings.
Aðlaga þjálfunaráætlanir að breyttum aðstæðum, s.s. vegna meiðsla, umhverfis o.þ.h.
Aðlaga þjálfunaráætlanir að dagsformi viðkomandi skjólstæðings.
Breyta þjálfunaráætlun í skyndi útfrá óskum skjólstæðings og hafni þeim óskum falli þær ekki að faglegum viðmiðum þjálfara.
Geta rökstutt þjálfunaráætlun og allar breytingar sem gerðar eru á henni.
Gera sér grein fyrir ábyrgð sinni á gæðum þjálfunaráætlana.
Gæta þarf að námsmatið meti þá þekkingu, leikni og hæfni sem skilgreind er í öllum viðmiðum áfangans. Lágmarkseinkunn er 7.