Markmið áfangans er kynja – og jafnréttisfræðsla. Fjallað er um sögu jafnréttisbaráttu á Íslandi og stöðu jafnréttismála í dag; karl – og kvenmennsku, fjölmiðla, klám, klámvæðingu, kynbundið ofbeldi, stjórnmál, baráttu hinsegin fólks og margt fleira. Ýmsar birtingarmyndir kynjakerfisins skoðaðar og greindar. Lögð er áhersla á umræður og lýðræðislega nálgun í kennslunni, nemendur eru hvattir til að temja sér gagnrýna hugsun, vera virkir og hafa áhrif á efnisþætti áfangans.
Áfanginn byggir á virkni og þátttöku nemenda þar sem reynir á sjálfskoðun, greiningu á umhverfi sínu og umræðum um eigin viðhorf og annarra.
5 einingar í íslensku á 2. þrepi
Nemandi skal hafa öðlast þekkingu og skilning á:
helstu hugtökum jafnréttismála
birtingarmyndum kynjaskekkju í samfélaginu
birtingarmyndum kynjaskekkju út frá alþjóðlegu sjónarhorni
sögu jafnréttisbaráttunnar og áfangasigrum
stöðu kynjanna í íslensku samfélagi fyrr og nú
Nemandi skal hafa öðlast leikni í að:
útskýra hugtök kynjafræðinnar
taka þátt í umræðum um algeng álitamál sem tilheyra kynjafræðinni
mynda sér skoðun á algengum álitamálum sem tilheyra kynjafræðinni
rýna í menningu og átta sig á stöðu kynjanna eins og hún birtist þar
afla sér upplýsinga um jafnréttismál
meta jafnrétti út frá menningarlegum gildum samfélagsins
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra skoðanir sínar m.t.t. kenninga kynjafræðinnar og hugtaka
fjalla um samfélagið út frá sjónarhorni kyns og kynferðis með gagnýnum augum og tengja hugmyndir kynjafræðinnar við eigin veruleika
skilja helstu orsakir kynjaskekkjunnar samkvæmt hugmyndum kynjafræðinnar
tengja menningu, gildi og verðmæti samfélagsins við eigið líf
ígrunda viðhorf sín
setja sig í spor annarra
dýpka skilning sinn á samfélaginu sem hann býr í
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.