Í áfanganum er fjallað um geðheilsu, geðraskanir, geðheilbrigði og geðrækt. Farið verður yfir flokkanir geðraskana og meðferðarúrræði við geðröskunum skoðuð. Fjallað um samspil sálfræðilegra, félagslegra og líffræðilegra þátta í tengslum við geðraskanir. Einnig er fjallað um streitu í daglegu lífi og hvernig hún hefur áhrif á geðheilsu einstaklings.
SÁLF2IN05 (eða sambærilegur áfangi)
Nemandi skal hafa öðlast þekkingu og skilning á:
einkennum mismunandi geðraskana
mismunandi nálgun sálfræðinnar á geðheilsu.
helstu hugtökum og kenningum geðsálfræðinnar.
helstu meðferðarformum og úrræðum við geðröskunum.
hvernig viðhorf til geðraskana og meðferð þeirra hefur breyst í tímanna rás.
aðbúnaði og möguleikum einstaklinga með geðraskanir í samfélaginu
framlagi geðsálfræðinnar til sálfræðinnar og samfélagsins.
Nemandi skal hafa öðlast leikni í að:
beita hugtökum og kenningum í geðsálfræði
afla upplýsinga, greina þær og setja í fræðilegt samhengi
nýta aðferðir við að minnka eða fyrirbyggja streitu í sínu daglega lífi.
setja sig í spor fólks sem á við geðræn vandamál að stríða.
beita sálfræðilegum meðferðarúrræðum á einkenni geðraskana.
afla sér heimilda og upplýsinga á sviði geðsálfræði, greina þær og setja í fræðilegt samhengi.
nýta fræðilegan texta um geðraskanir á íslensku og erlendum tungumálum.
Nemandi skal geta hagnýtt þá almennu þekkingu og leikni sem hann hefur aflað sér til að:
geta hagnýtt og yfirfært efni áfangans á eigin geðheilsu og daglegt líf
tjá sig skipulega á gagnrýninn hátt um einstaka efnisþætti greina alvarleika ólíkra geðraskana með tilliti til áhrifa á daglegt líf
• greina áhrif umhverfis og erfða á þróun geðraskana móta eigið geðheilbrigði til að verða hæfari þátttakandi í nútímasamfélagi sem metið er með persónulegum verkefnum eða dagbókarskrifum.
afla upplýsinga í geðsálfræði til að nota við úrlausn verkefna
framkvæma eigindlega rannsókn og gera grein fyrir helstu niðurstöðum
rannsóknir, samvinnunám, umræður, fyrirlestrar kennara og nemenda. Verkefnavinna, sjálfsmat, símat og jafningjamat.