Í áfanganum er farið í að tengja vöðvafræðina við líkamsbeitingu í styrktar- og liðleikaþjálfun. Farið er í hugtök lífaflsfræðinnar og þau tengd við beitingu líkamans. Kenndar verða æfingar og skoðað hvaða vöðvahópar vinna saman. Einnig verður farið í hvernig einangra má vöðvahópa með tæknilegri útfærslu æfinganna og hvernig greina má æskilega sem og óæskilega líkamsbeitingu við styrktar- og liðleikaþjálfun.
Vöðva- og hreyfifræði (VOHR2VF05_2)
Nemandi skal hafa öðlast þekkingu og skilning á:
Hvaða æfingar ákveðnir vöðvahópar framkalla.
Takmörkunum á einangrun stakra vöðva og vöðvahópa.
Heiti helstu hreyfinga í samræmi við vöðvafræðina.
Mikilvægi réttrar líkamsbeitingar við þjálfun.
Grunnhugtökum lífaflsfræðinnar.
Þekkja mismunandi erfiðleikastig í æfingum.
Nemandi skal hafa öðlast leikni í að:
Framkvæma æfingar á æskilegan hátt.
Miðla þekkingu sinni á æfingum til skjólstæðinga.
Nota viðeigandi búnað við æfingar.
Nemandi skal geta hagnýtt þá almennu þekkingu og leikni sem hann hefur aflað sér til að:
Útskýra fyrir skjólstæðingi tæknilegar útfærslur æfinga.
Breyta líkamsstöðu og/eða stillingu áhalda til að hafa áhrif á útkomu æfinga og hámarka árangur.
Gera sér grein fyrir æskilegum útfærslum æfinga og leiðrétta óæskilega líkamsbeitingu.
Útskýra hvaða vöðvahópar framkalla ákveðnar æfingar.
Geta miðlað mismunandi erfiðleikastigum æfinga.
Gæta þarf að námsmatið meti þá þekkingu, leikni og hæfni sem skilgreind er í öllum viðmiðum áfangans.
Lágmarkseinkunn er 7.