Grunnþjálfun í jöklaleiðsögn sem fer fram á skriðjökli. Farið verður yfir helstu atriði jöklaleiðsagnar svo sem leiðarval, sprungubjörgun, ísklifur, samskipti við gesti og hópstjórn.
Grunnþjálfunin veitir rétt til þess að starfa undir merkjum AIMG á skriðjökli sem AIMG Jöklaleiðsögunemi (e. AIMG Glacier Guide Trainee) undir beinni leiðsögn AIMG Aðstoðarjöklaleiðsögumanns að sumarlagi eða AIMG Jöklaleiðsögumanns að vetrarlagi. Nemendur sem standast kröfur AIMG og fá staðfestingu á því ljúka áfanganum með fullnægjandi árangri.
VEFE2GR03, FYHJ1FF01, HÓPA2GR03, sjá einnig forkröfur AIMG
Nemandi skal hafa öðlast þekkingu og skilning á:
grunnþáttum varðandi skipulag jöklaferða
þeim útbúnaði sem þarf til jöklaferða og hvernig hann er notaður og kynntur fyrir ferðamönnum
ísankerum
eigin styrkleikum og takmörkunum
mismunandi aðstæðum
ísklifri, leiðarvali á jökli, skrefagerð, áhættumati og stjórnun, ásamt sprungubjörgun
viðeigandi búnaði og öryggisbúnaði í ferðum á skriðjöklum
mikilvægi hópstjórnunar
hagnýtri veðurfræði og náttúrufræði
verndun náttúrunnar
Nemandi skal hafa öðlast leikni í að:
greina helstu þætti við skipulag og undirbúning jöklaferða
meta eigin styrkleika og takmarkanir
setja upp öruggt ankeri
stunda ísklifur í ofanvaði af öryggi og að velja ísklifurveggi við hæfi
nota réttan búnað á skriðjökli og ganga vel um hann
framkvæma sprungubjörgun af öryggi
ferðast á jöklum
finna heppilegt samstarfsfólk og tengiliði við skipulag og undirbúning ferða
nýta sér aðstæður í náttúrunni og meta veðurútlit
rata og velja leiðir á jökli, meta áhættu og stýra þeirri hættu
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið ákvarðanir miðað við eigið líkamsástand, staðhætti og aðstæður og gesta sinna
hagnýta sér búnað sem þarf til að ferðast á jökli
ferðast örugglega á skriðjöklum
stunda ísklifur við hæfi
framkvæma sprungubjörgun af öryggi
taka ákvarðanir í samráði við hóp ferðafélaga
hagnýta sér það sem sjá má af veðurspám og útliti
miðla fróðleik um náttúru landsins sem fyrir augu ber á ferðalagi
rata og velja öruggustu leiðina á jökli og í nágrenni þeirra
leggja mat á hættur og stýra mögulegum áhættuþáttum
taka saman í lok ferðar mat á hvernig til tókst og geta dregið lærdóm af því
bera virðingu fyrir náttúru og umhverfi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.