Í áfanganum er áherslan á sjálfstæði nemenda við að afla sér reynslu og færni í fjalla- og óbyggðaferðum. Nemandi fer í styttri ferðir á eigin vegum sem hann skipuleggur sjálfur.
GÖNG1GR05
Nemandi skal hafa öðlast þekkingu og skilning á:
grunnþáttum varðandi skipulag ferða og viðeigandi búnaði
kortalestri, áttavita og GPS
aðhlynningu í styttri ferðum
eigin styrkleikum og takmörkunum
mismunandi aðstæðum í óbyggðum og fjalllendi og viðbrögðum við þeim
tækifærum til fjallamennsku, hollrar útivistar og ferðalaga í nærumhverfi sínu
mikilvægi þess að ganga vel um landið
rötun og leiðarvali í fjalllendi
Nemandi skal hafa öðlast leikni í að:
greina helstu þætti við skipulag og undirbúning fjalla- og óbyggðaferða
rata með hjálp áttavita og GPS
huga vel að sjálfum sér og öðrum í ferðum
meta eigin styrkleika og takmarkanir
takast á við mismunandi aðstæður í óbyggðum
ganga vel um landið
velja milli mismunandi leiða sem henta hverju sinni til útivistar
Nemandi skal geta hagnýtt þá almennu þekkingu og leikni sem hann hefur aflað sér til að:
útbúa raunhæfa ferðaáætlun fyrir styttri ferðir
geta tekið ákvarðanir miðað við eigið líkamsástand, staðhætti og aðstæður
geta stundað fjölbreytta útivist á öruggan hátt
rata af öryggi um ókunnar slóðir
meta aðstæður á raunhæfan hátt
undirbúa, fara í, skrá og meta eigin ferðir og geta dregið lærdóm af því
ígrunda eigin ferðir
geta valið og farið í fjallaferðir við hæfi
leggja mat á hættur og stýra mögulegum áhættuþáttum
geta notið þess að vera á fjöllum
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.