Nemendur dýpka þekkingu sína á rafíþróttum og rafíþróttamenningu heima og að heiman. Nemendur eru búnir undir hvernig hægt er að kynna og spila rafíþróttir í nærumhverfi sínu, í félagastarfsemi eða í frístundastarfi. Nemendur skipuleggja æfingaleiki og sýna frá þeim. Prófa mismunandi forrit tengd rafíþróttaheiminum og spilun. Nemendur fræðast enn frekar um áhrif heilsutengdra þátta sem hafa áhrif á frammistöðu rafíþróttaspilara eins og svefns og næringar, líkamsbeitingar og vinnuaðstöðu. Nemendur fá að kynnast markaðs- og viðskiptahlið rafíþrótta og fá fræðslu um fjármálalæsi í rafíþróttaheiminum.
Áhersla er lögð á þá rafíþróttaleiki sem sérstakur áhugi er á eða hentar vel aðstæðum hverju sinni. Nemendur rækti áfram hlutverk sitt, til dæmis spilari, þjálfari, eða skipuleggjandi, nemendur fá að hafa áhrif á efni áfangans og verkefni unnin út frá hlutverki þeirra. Á önninni taka nemendur þátt í undirbúningi fyrir rafíþróttamót.
5 einingar í rafíþróttum á 2. þrepi
Nemandi skal hafa öðlast þekkingu og skilning á:
Mikilvægi markvissrar og skipulagðrar þjálfunar
Mikilvægi heilsu, næringar, hreyfingar og svefns á frammistöðu sína
Þjálfun í tölvuleikjaspilun í víðu samhengi
Nauðsynlegum undirbúningi fyrir rafíþróttarviðburði
Hvernig er að vera hluti af góðri liðsheild á jafnréttisgrundvelli
Hvernig snerpa og andlegt og líkamlegt jafnvægi geta bætt frammistöðu leikmanna
Hlutverki viðburðarstjóra í rafíþróttum
Nemandi skal hafa öðlast leikni í að:
Stunda íþróttina markvisst
Koma fram við aðra af virðingu
Iðka fjölbreyttar æfingar, teygjur og leiki
Nota netið og/eða samfélagsmiðla til að vekja athygli á liði
Beita skapandi lausnamiðaðri hugsun
Stunda hreyfingu sem styrkir og gefur meira úthald til leikjaspilunar
Undirbúa þátttöku í rafíþróttarmóti eins og t.d. framhaldsskólaleikana
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í skipulögðum æfingum í rafíþróttum
Þekkja tengsl andlegrar, félagslegrar og líkamlegrar heilsu