Í áfanganum er kennd fyrsta hjálp með viðbótum sem tengjast fjallamennsku. Nemendur læra að nota þríhyrningakerfið í óbyggðum ásamt því að nota hefðbundinn útivistarbúnað sem sjúkrabúnað. Farið er yfir hvernig hægt er að meðhöndla veikindi og áverka þar sem langt er í hjálp. Námið er bóklegt og verklegt á vettvangi. Haldnar eru tilfellaæfingar þar sem nemendur þjálfast í að greina vandamál og að bregðast rétt við þeim utan alfaraleiða. Nemandi sem lokið hefur námskeiðinu á að vera öruggur í að veita fyrstu hjálp innan síns hóps á ferðalögum í óbyggðum.
FYHJ1LB01 eða sambærilegt nám
Nemandi skal hafa öðlast þekkingu og skilning á:
þríhyrningakerfinu við skoðun og mat á slösuðum eða veikum einstakling í óbyggðum
grunnmeðferð sára/brunasára/kalsára og helstu aðferðum við að stöðva lífshættulegar blæðingar í óbyggðum
einkennum ofkælingar og þeirri grunnmeðferð sem hægt er að beita í óbyggðum
muninum á stöðugum og óstöðugum stoðkerfisáverka og meðferð við þeim í óbyggðum
helstu flutningstækjum og hvernig þeim er beitt
meginmun lífshættulegra veikinda og þeim sem eru ekki lífsógnandi og meðhöndlun þeirra í óbyggðum
helstu veikindum og viðbrögðum við þeim í óbyggðum
forgangsflokkun í slysi og bráðaflokkun í óbyggðum
mismunandi flutningsbúnaði sem hægt er að nota og notagildi hans miðað við aðstæður, áhættu og ávinning
mikilvægi þess að verja sjúkling frá kulda í yfirsetu og flutningi
Nemandi skal hafa öðlast leikni í að:
nota þríhyrningakerfið í óbyggðum
beita grunnendurlífgun á fullorðnum og börnum í óbyggðum
nota spelku á mismunandi útlimi í óbyggðum
geta sett sjúkling á flutningstæki í óbyggðum
vinna á hópslysavettvangi og nota bráðaflokkun utan alfaraleiða
vernda sjúkling frá kulda og fyrirbyggja ofkælingu eftir fremsta megni
nota algeng flutningstæki í óbyggðum
sinna sjúklingi í flutningi og yfirsetu og mæla lífsmörk
skrá upplýsingar og koma þeim skilmerkileg frá sér ef þess þarf
Nemandi skal geta hagnýtt þá almennu þekkingu og leikni sem hann hefur aflað sér til að:
beita þríhyrningakerfinu til að meta ástand veikra eða slasaðra í óbyggðum
beita grunnendurlífgun á fullorðnum og börnum í óbyggðum
geta sett sjúkling á viðeigandi flutningstæki í óbyggðum
geta með öryggi búið um, flutt og sinnt eftirliti á veikum og slösuðum í óbyggðum
gera greinarmun á viðbrögðum við veikindum og slysum í óbyggðum og í byggð
útbúa fyrstuhjálpartösku sem er viðeigandi fyrir mismunandi ferðalög
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.