Í áfanganum þjálfast nemendur í að undirbúa og skipuleggja óbyggða- og afþreyingarferðir sem hópstjórar. Nemendur kynnast hópastjórnun og leiðsögn þar sem áhersla er lögð á leiðtogahæfni nemenda. Farið er yfir mismunandi leiðtogastíla, mannleg samskipti og ábyrgð leiðsögumanna. Farið verður yfir atriði sem varða almennan undirbúning leiðsögumanna s.s. leiðtogahæfni og hópastjórnun, ferðatilhögun og leiðarval, viðbragðsáætlanir og viðeigandi útbúnað ásamt því að meta hættur og stýra þeim.
GÖNG1GR05, SKIF1GR02
Nemandi skal hafa öðlast þekkingu og skilning á:
grunnþáttum varðandi undirbúning og skipulag fjölbreyttra óbyggða- og afþreyingarferða sem hópstjóri
aðhlynningu í lengri ferðum
helsta öryggisbúnaði og ábyrgð hópstjóra í útivistarferðum
mikilvægi uppbyggilegra samskipta
mikilvægi þess að ganga vel um landið
mismunandi aðstæðum í óbyggðum og fjalllendi og viðbrögðum við þeim
ábyrgð hópstjóra í rötun og leiðarvali í fjalllendi
mikilvægi undirbúnings leiðsagnar og hvernig má afla upplýsinga um staðhætti og náttúru
Nemandi skal hafa öðlast leikni í að:
greina helstu þætti við skipulag og undirbúning fjölbreyttra óbyggða- og afþreyingarferða sem hópstjóri og nota búnað í samræmi við aðstæður
huga vel að sjálfum sér og öðrum í styttri og lengri óbyggðaferðum
meta og nýta sér aðstæður úti í íslenskri náttúru og meta veðurútlit
meta eigin styrkleika og takmarkanir sem hópstjóri
meta áhættu og stýra þeirri hættu
stuðla að uppbyggilegum mannlegum samskiptum
stjórna hópum
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja og fara fyrir hópi styttri og lengri óbyggða- og afþreyingarferða
geta tekið ákvarðanir miðað við líkamsástand, staðhætti og aðstæður hópsins
velja og nota viðeigandi búnað á hverjum stað
miðla fróðleik um náttúru landsins sem fyrir augu ber á ferðalagi
meta aðstæður í íslenskri náttúru á raunhæfan hátt og velja verkefni við hæfi hópsins
leggja mat á hættur og stýra mögulegum áhættuþáttum
bera virðingu fyrir náttúru og umhverfi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.