Námið er vettvangsnám þar sem farið er í ferðir úti í náttúrunni þar sem tekist er á við raunaðstæður. Áhersla er lögð á nemandann sjálfan, hans þekkingu, leikni og hæfni. Einnig er áhersla á leiðsögn þar sem nemandinn þjálfast í að aðstoða við leiðsögn með reyndum leiðsögumönnum.
Megináherslan er á ferðalög á skriðjöklum. Nemandi þjálfast í að undirbúa slíkar ferðir og takast á við krefjandi aðstæður. Hann þjálfast í að velja leiðir til fjalla og á jöklum og hafa yfirsýn og þekkingu á þeim búnaði sem þarf við ísklifur, jöklagöngur, sprungubjörgun og almennar jöklaferðir. Nemandi kynnist því hvað ber að hafa í huga við ótryggar aðstæður í vetrarfæri á jökli og lesa í veðrabrigði.
GÖNG1GR05, KLIF2GR04
Nemandi skal hafa öðlast þekkingu og skilning á:
grunnþáttum varðandi skipulag jöklaferða
fjölbreyttum möguleikum á að stunda útivist
nauðsynlegum öryggisbúnaði
eigin styrkleikum og takmörkunum
mismunandi aðstæðum
ísklifri, leiðarvali á jökli, áhættumati og stjórnun, ásamt sprungubjörgun
viðeigandi búnaði í ferðum á skriðjöklum
mikilvægi hópstjórnunar
hagnýtri veðurfræði og náttúrufræði
skipulagi jöklaferða og þeim útbúnaði sem þarf til þeirra
verndun náttúrunnar
Nemandi skal hafa öðlast leikni í að:
greina helstu þætti við skipulag og undirbúning jöklaferða
meta eigin styrkleika og takmarkanir
stunda ísklifur í ofanvaði af öryggi og að velja ísklifurveggi við hæfi
nota réttan búnað á skriðjökli og ganga vel um hann
ferðast á skriðjöklum
finna heppilegt samstarfsfólk og tengiliði við skipulag og undirbúning ferða
nýta sér aðstæður í náttúrunni og meta veðurútlit
rata og velja leiðir í fjalllendi og á jökli, meta áhættu og stýra þeirri hættu
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið ákvarðanir miðað við eigið líkamsástand, staðhætti og aðstæður
hagnýta sér búnað sem þarf til að ferðast í brattlendi
ferðast örugglega á skriðjöklum
stunda ísklifur við hæfi
taka ákvarðanir í samráði við hóp ferðafélaga
hagnýta sér það sem sjá má af veðurspám og útliti
miðla fróðleik um náttúru landsins sem fyrir augu ber á ferðalagi
rata og velja öruggustu leiðina í fjalllendi og á jökli
leggja mat á hættur og stýra mögulegum áhættuþáttum
taka saman í lok ferðar mat á hvernig til tókst og geta dregið lærdóm af því
bera virðingu fyrir náttúru og umhverfi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.