Í áfanganum þjálfast nemendur í að undirbúa og skipuleggja óbyggða- og afþreyingarferðir. Áherslan er lögð á nemandann sjálfan, þekkingu hans, leikni og hæfni varðandi útivist jafnt á láglendi sem og á fjöllum. Nemendur læra að þekkja eigin styrkleika og veikleika. Farið verður yfir atriði sem varða almennan undirbúning ferða s.s. ferðatilhögun og leiðarval, viðbragðsáætlanir og viðeigandi útbúnað.
Nemandi skal hafa öðlast þekkingu og skilning á:
grunnþáttum varðandi undirbúning og skipulag fjölbreyttra óbyggða- og afþreyingarferða
nauðsynlegum, almennum útivistarbúnaði fyrir óbyggða- og tjaldferðir
helsta öryggisbúnaði fyrir útivistarferðir
eigin styrkleikum og takmörkunum í mismunandi aðstæðum
tækifærum til fjölbreyttrar fjallamennsku og hollrar útivistar í nærumhverfi sínu
mikilvægi þess að ganga vel um landið
gerð og uppsetningu leiðarkorta
Nemandi skal hafa öðlast leikni í að:
skipuleggja og undirbúa fjölbreyttar óbyggða- og fjallaferðir og nota búnað í samræmi við aðstæður
huga vel að sjálfum sér í styttri og lengri óbyggðaferðum
meta og nýta sér aðstæður úti í íslenskri náttúru og meta veðurútlit
meta áhættu á mismunandi ferðum og stýra þeirri áhættu
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja styttri og lengri óbyggða- og afþreyingarferðir
geta tekið ákvarðanir miðað við eigið líkamsástand, staðhætti og aðstæður
velja og nota viðeigandi búnað á hverjum stað
nota öryggisbúnað á viðeigandi hátt
leggja mat á hættur og stýra mögulegum áhættuþáttum
bera virðingu fyrir náttúru og umhverfi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.