fjallaskíðabúnaður, leiðarval, rennsli utan brauta, uppgöngutækni
Samþykkt af skóla
2
2
Námið er vettvangsnám og grunnáfangi í fjallaskíðum. Megináherslan er á fjallaskíði og snjóbretti (e. splitboard). Farið er yfir undirstöðuatriðin í fjallaskíðamennsku, skíðatækni utan brautar og notkun öryggisbúnaðar. Nemandi þjálfast í að undirbúa og takast á við aðstæður að vetrarlagi og meta öryggi út frá snjóalögum og veðurskilyrðum til að lágmarka áhættu. Áhersla er lögð á notkun snjóflóðabúnaðar og mikilvægi hans.
SNJÓ2GR03
Nemandi skal hafa öðlast þekkingu og skilning á:
undirstöðuatriðum fjallaskíðamennsku
fjallaskíðabúnaði og viðeigandi öryggis- og snjóflóðabúnaði
mismunandi aðstæðum í snæviþöktu fjalllendi og leiðarvali
skíðatækni utan brauta
fjallaskíðatækni við uppgöngu og leiðarval
veður- og snjóflóðaspá
snjó, snjóalögum og snjóflóðahættu
snjóflóðabjörgun
undirbúningi, upplýsingaöflun og skipulagi fjallaskíðaferða
eigin styrkleikum og takmörkunum í fjallendi að vetrarlagi
hópum og mannlegum þáttum í fjallaskíðaferðum
Nemandi skal hafa öðlast leikni í að:
meðhöndla eigin fjallaskíða- og snjóflóðabúnað
meta aðstæður og snjóflóðahættu með tillit til veðurs og snjóalaga
skíða utan brauta og í breytilegum snjó
vera þátttakandi í snjóflóðabjörgun
bregðast við snjóflóðum
afla sér viðeigandi upplýsinga og finna tengiliði
forðast rauð flögg í landslagi, leiðarvali og ákvörðunum
Nemandi skal geta hagnýtt þá almennu þekkingu og leikni sem hann hefur aflað sér til að:
stunda fjallaskíðamennsku á grundvelli eigin þekkingar og getu
velja fjallaskíðabúnað við hæfi og nota hann á viðeigandi hátt
bregðast við snjóflóði og nota snjóflóðabúnað á viðeigandi hátt
skoða veður- og snjóflóðaspár og meta snjóalög og landslag
beita mismunandi skíðatækni í ólíkum aðstæðum utan brauta
geta metið og greint á milli öruggra og óöruggra aðstæðna
útbúa raunhæfa ferðaáætlun fyrir styttri fjallaskíðaferðir
hafa samskipti og taka ákvarðanir í hóp
Símat yfir ferð áfangans með áherslu á leiðsagnarmat sem byggir á hæfni og virkni nemenda. Námsmappa í tengslum við verk- og vinnustaðanám þar sem við á.