Í áfanganum er áhersla lögð á sjálfstæði nemenda við að afla sér reynslu og færni fyrir Fjallagönguleiðsögn 1 hjá Félagi íslenskra fjallaleiðsögumanna (AIMG). Miðað er við að nemandi fari eftir forkröfulista AIMG og skipuleggi ferðir sínar í samræmi við þær.
HÆFN3HF04
Nemandi skal hafa öðlast þekkingu og skilning á:
mismunandi aðstæðum í óbyggðum og fjalllendi og viðbrögðum við þeim
rötun og leiðarvali í fjalllendi
skipulagi ferða á snæviþöktum jöklum
Nemandi skal hafa öðlast leikni í að:
greina helstu þætti við skipulag og undirbúning fjalla- og óbyggðaferða
skipuleggja ferðir á snæviþöktum jöklum
huga vel að sjálfum sér og öðrum í ferðum
meta aðstæður í fjalllendi, á jöklum, bæði skriðjöklum og snæviþöktu svæðum
velja verkefni við hæfi miðað við persónulega færni, veður og aðstæður
Nemandi skal geta hagnýtt þá almennu þekkingu og leikni sem hann hefur aflað sér til að:
útbúa raunhæfa ferðaáætlun fyrir styttri og lengri ferðir
fara í fjallaferðir í fjölbreyttu fjalllendi, einkum á snæviþöktum jöklum
rata af öryggi í fjalllendi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.