Námið er vettvangsnám þar sem lögð er stund á ísklifur. Leitast er við að klifra í ísfossum ef veður og aðstæður leyfa. Áhersla er á rétta klifurtækni, innsetningu ísskrúfa í klifri og mat á ísgæðum. Lögð er áhersla á að nemandi verði sjálfstæður og þjálfist í að taka skynsamar ákvarðanir varðandi öruggt leiðarval og öðlist yfirsýn og þekkingu á þeim búnaði sem þarf í ísklifri.
EIVE2KF01
Nemandi skal hafa öðlast þekkingu og skilning á:
gráðukerfi ísfossa og leiðavísum
sérhæfðum ísklifurbúnaði
íðorðum ísklifurs
þeirri áhættu sem fylgir íþróttinni
Nemandi skal hafa öðlast leikni í að:
ísklifra með réttri tækni
nota og setja inn ísskrúfur í ísklifri
spara orku og þekkja eigin mörk
meta aðstæður og áhættu ísklifurleiða
nýta sér hagnýta veðurfræði
Nemandi skal geta hagnýtt þá almennu þekkingu og leikni sem hann hefur aflað sér til að:
stunda ísklifur sér til ánægju með öryggi að leiðarljósi
velja sér ísklifurleiðir við hæfi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.