Námið er vettvangsnám þar sem lögð er stund á klettaklifur. Unnið er áfram með klettaklifurtækni, leiðsluklifur, fjölspannaklifur og dótaklifur. Áhersla er lögð á að efla sjálfstæði nemenda svo þeir hafi getu til að stunda klettaklifur á fjölbreyttan hátt sér til ánægju. Námið eykur getu nemenda til að takast á við annað nám í fjallamennsku.
EIVE2KF01
Nemandi skal hafa öðlast þekkingu og skilning á:
ferli fjölspannaklifurs
félagabjörgun í fjölspannaklifri
sérhæfðum klettaklifurbúnaði
leiðavísum og klifurgráðum
íðorðum klettaklifurs
Nemandi skal hafa öðlast leikni í að:
velja sér klifurleið við hæfi
klifra í klettum
setja upp klettaklifurakkeri með bergtryggingum
tryggja félaga í fjölspannaklifri af öryggi
Nemandi skal geta hagnýtt þá almennu þekkingu og leikni sem hann hefur aflað sér til að:
klifra sér til ánægju í klettum með öryggi að leiðarljósi
takast á við óvæntar uppákomur í klifuraðstæðum
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.