Námið er vettvangsnám þar sem megináhersla er lögð á grunnhugtök snjóflóðafræða og mikilvægi þess að fyrirbyggja það að lenda í snjóflóðum. Nemandi þjálfast í að leggja mat á snjóflóðahættu, leiðaval og undirbúning fyrir ferðalög í snæviþöktu umhverfi. Lögð er áhersla á félagabjörgun og mikilvægi þekkingar á snjóflóðabúnaði og réttri notkun hans. Ætlast er til að nemendur séu færir um að nota fjallaskíði til ferðalaga í fjalllendi.
HÆFN3HF04, SKÍÐ2GR02
Nemandi skal hafa öðlast þekkingu og skilning á:
eigin styrkleikum og takmörkunum í snæviþöktu umhverfi
grunnhugtökum snjóflóðafræða
notkun öryggis- og snjóflóðabúnaðar
mikilvægi leiðarvals og hópstjórnunar
veður og snjóflóðaspám og mikilvægi upplýsingasöfnunar
skipulagi ferða í snæviþöktu umhverfi
Nemandi skal hafa öðlast leikni í að:
skipuleggja ferðir í snæviþöktu umhverfi m.t.t. veðurfars og snjólaga
lesa og nýta snjóflóðaspár og snjóathuganir
lesa landslagið, meta stöðugleika snjóalaga og velja leiðir við hæfi
nota snjóflóðabúnað
framkvæma félagabjörgun úr snjóflóðum
miðla viðeigandi upplýsingum til samferðafólks
Nemandi skal geta hagnýtt þá almennu þekkingu og leikni sem hann hefur aflað sér til að:
forðast það að lenda í snjóflóðum
meta aðstæður í snæviþöktu fjalllendi
leggja mat á hættur og stýra mögulegum áhættuþáttum
útbúa raunhæfar ferðaáætlanir í snæviþöktu umhverfi
framkvæma félagabjörgun af öryggi
fara fyrir hóp í snæviþöktu fjalllendi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.