Hæfnimat í jöklaleiðsögn 2 er kennsla og mat sem fer fram á skriðjökli. Metin eru helstu almennu atriði í skriðjöklaleiðsögn sem og viðbrögð við slysum. Farið er yfir leiðarval, sprungubjörgun, ísklifur, samskipti við gesti og hópastjórnun. Að auki er kennd leiðsögutækni í flóknu landslagi ásamt tæknilegri fjallabjörgun á skriðjökli.
Matshluti áfangans snýr að því sem kennt var á AIMJ2GR03 og skal nemandi hafa gott vald á öllum atriðum þess áfanga. Kennsluhluti áfangans snýr að leiðsögn í krefjandi jöklalandslagi og ísklifri þar sem viðskiptavin er slakað niður.
Að færnimati loknu öðlast sá sem stenst lágmarkseinkunn réttindi til þess að starfa undir merkjum AIMG á skriðjökli sem AIMG Aðstoðarjöklaleiðsögumaður undir óbeinni leiðsögn AIMG Jöklaleiðsögumanns. Nemendur sem standast kröfur AIMG og fá staðfestingu á því ljúka áfanganum með fullnægjandi árangri.
VINS3JÖ10, FYHJ3ÓB05, sjá einnig forkröfur AIMG
Nemandi skal hafa öðlast þekkingu og skilning á:
samskiptum við gesti og stjórnun þeirra í skriðjöklaferðum
eðli og hreyfingu jökla og leiðavali á þeim
stærri björgunaraðgerðum
Nemandi skal hafa öðlast leikni í að:
velja viðeigandi leið fyrir hóp viðskiptavina
beita viðeigandi leiðsagnaraðferðum í krefjandi landslagi
veita viðskiptavinum viðeigandi leiðbeiningar
ferðast örugglega á broddum í krefjandi jöklalandslagi
klifra bratta veggi á jökli
slaka klifrara niður til klifurs og tryggja ofan frá
Nemandi skal geta hagnýtt þá almennu þekkingu og leikni sem hann hefur aflað sér til að:
leiðsegja hóp á skriðjökli í fjölbreyttu jöklalandslagi af öryggi
kenna viðskiptavinum einföld tæknileg atriði
veita viðeigandi upplýsingar og fræðslu til gesta
framkvæma sprungubjörgun af öryggi
stjórna hóp af öryggi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.