Námið er vettvangsnám og framhaldsáfangi í fjallaskíðum. Megináherslan er á fjallaskíði og snjóbretti (e. splitboard). Farið er yfir fjallaskíðatækni, bæði þegar kemur að uppgöngu og niðurferð. Lögð áhersla á mikilvægi skíðatækni utan brautar og notkun öryggisbúnaðar. Nemandi þjálfast í að undirbúa og takast á við aðstæður að vetrarlagi og meta öryggi út frá snjóalögum og veðurskilyrðum til að lágmarka áhættu. Áhersla er lögð á notkun snjóflóðabúnaðar og mikilvægi hans.
HÆFN3HF04, SNJÓ3FR05
Nemandi skal hafa öðlast þekkingu og skilning á:
mismunandi fjallaskíðabúnaði
fjallaskíðatækni við uppgöngu og leiðavali m.t.t. snjóflóðahættu
snjóflóðaaðstæðum og mikilvægi þess að forðast eða takmarka tíma í áhættuumhverfi
mikilvægi hópastjórnunar í snæviþöktu umhverfi
veður- og snjóflóðaspám
snjó, snjóalögum og snjóflóðahættu
félagabjörgun og mikilvægi skilvirkni þegar kemur að henni
Nemandi skal hafa öðlast leikni í að:
meta aðstæður og velja leiðir með tilliti til þeirra
bregðast við snjóflóðum og framkvæma félagabjörgun
velja fjallaskíðaferðir við hæfi
ferðast um í snæviþöktu umhverfi með tilliti til landslags og haga leiðavali eftir því
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja fjallaskíðaverkefni við hæfi
forðast snjóflóð og takmarka tíma í áhættuumhverfi
lesa veður og snjóflóðaspár og taka ákvarðanir byggðar á upplýsingum úr þeim
meta stöðugleika snjóalaga í raunaðstæðum
ferðast örugglega í hóp á fjallskíðum
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.