Áfanginn er starfsnám þar sem nemendur vinna að því að uppfylla forkröfur fyrir AIMG jöklaleiðsögn 2. Nemendur öðlast skilning og þekkingu á eigin vinnustað sem og verkferlum innan hans. Nemendur greina og meta starf sitt sem jöklaleiðsögumenn, hvað gengur vel og hvað mætti betur fara. Nemendur eiga að vera færir um að miðla fróðleik til gesta sinna á skemmtilegan máta. Einnig eiga þeir að þekkja til mismunandi aðferða til hópastjórnunar.
HÆFN3HF04
Nemandi skal hafa öðlast þekkingu og skilning á:
þeim kröfum sem gerðar eru til leiðsögumanna miðað við jöklaleiðsögumenntun AIMG
hópastjórnun á skriðjökli
vinnustað sínum í heild
þeim björgunarbúnaði sem er til staðar á vinnustaðnum og viðeigandi verkferlum
Nemandi skal hafa öðlast leikni í að:
leiðsegja og stýra hópum á skriðjökli
taka ákvarðanir með öryggi viðskiptavina að leiðarljósi
leggja mat á hættur og stýra mögulegum áhættuþáttum
Nemandi skal geta hagnýtt þá almennu þekkingu og leikni sem hann hefur aflað sér til að:
leiðsegja hópum á skriðjöklum að sumarlagi með öryggi að leiðarljósi undir eftirliti AIMG Jöklaleiðsögumanns
miðla fróðleik um náttúru og staðhætti til gesta
meta aðstæður við og á skriðjöklum og velja verkefni við hæfi hóps
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.