Í þessum áfanga kynnast nemendur norrænni goðafræði og hugmyndaheimi norrænna manna til forna. Þá er einnig fjallað um sögu tungumálsins, uppruna þess og þróun ásamt umfjöllun um nútímabókmenntir. Nemendur fá þjálfun í munnlegri tjáningu og ritun með skapandi og fjölbreyttum verkefnum. Áhersla er lögð á að nemendur þjálfist í ritgerðasmíð og notkun heimilda um sérhæfð efni, einkum bókmenntir. Lesin verður kjörbók að eigin vali.
Að nemandi hafi lokið áfanganum ÍSLE2RB05
Nemandi skal hafa öðlast þekkingu og skilning á:
sögu íslenskrar tungu frá upphafi til okkar daga, einkennum hennar og tengslum við önnur tungumál
fornum hugmyndaheimi norrænna manna, norrænum goðum og sögum af þeim
meginatriðum íslenskrar málstefnu, orðasmíð og merkingu orða og orðasambanda
helstu greinum nútímabókmennta og hugtökum þeim tengdum
mikilvægi vandaðra vinnubragða við úrvinnslu heimilda
Nemandi skal hafa öðlast leikni í að:
lesa ólík bókmenntaverk frá ýmsum tímum og fjalla um inntak þeirra
nota bókmenntafræðileg hugtök við greiningu og túlkun
nota fræðibækur og -greinar við gerð heimildaritgerða og verkefna
vitna í heimildir, vísa til þeirra og skrá á viðeigandi hátt
tjá skoðanir sínar á námsefninu með skipulögðum og rökstuddum hætti, bæði í ræðu og riti
vinna að skapandi verkefnum í tengslum við námsefnið
Nemandi skal geta hagnýtt þá almennu þekkingu og leikni sem hann hefur aflað sér til að:
greina og túlka bókmenntatexta með hugtökum bókmenntafræði
færa rök fyrir skoðunum sínum jafnt munnlega sem skriflega
skrifa vandaðan texta á góðu og blæbrigðaríku máli
leggja mat á gildi heimilda og vinna úr þeim með skipulögðum hætti
vinna sjálfstætt og í samvinnu við aðra
Leiðsagnarmat þar sem vinna nemenda er metin jafnóðum allan námstímann. Til grundvallar eru fjölbreytt og skapandi verkefni úr ólíkum efnisþáttum, bæði munnleg og skrifleg.