Í þessum áfanga er farið í grunnatriði varðandi stofnun og rekstur lítilla fyrirtækja. Lögð er áhersla á að nemendur þrói eigin hugmynd í átt að viðskiptalíkani. Grunnatriði markaðssetningar kynnt og farið vel í gerð markaðsáætlunar og rekstraráætlunar sem er grunnur að viðskiptaáætlun. Nemendur skila af sér fullbúinni viðskiptaáætlun í lok áfanga. Þá kynnast nemendur mismunandi rekstrarformum fyrirtækja og læra um skattalegar skyldur.
Hagnýt stærðfræði.
Nemandi skal hafa öðlast þekkingu og skilning á:
Markaðssetningu lítilla fyrirtækja.
Stofnun fyrirtækja.
Rekstri fyrirtækja.
Einföldum efnahagsreikningi.
Einföldum rekstrarreikningi.
Helstu rekstrarformum fyrirtækja.
Helstu skattalegum skyldum.
Nemandi skal hafa öðlast leikni í að:
Útbúa vöru/þjónustu útfrá hugmynd.
Setja upp áætlanir tengdar rekstri fyrirtækja.
Reikna út stærðir tengdar rekstri fyrirtækja.
Nemandi skal geta hagnýtt þá almennu þekkingu og leikni sem hann hefur aflað sér til að:
Stofna fyrirtæki upp á eigin spýtur.
Gera viðskiptalíkan.
Útbúa markaðs-, auglýsinga- og kynningaráætlun út frá viðskiptahugmynd.
Vera ábyrgur fyrir skilum á greiðslu á þeim gjöldum sem fylgja rekstri.
Sýna sjálfstæð vinnubrögð við gerð á viðskiptalíkani.
Vinna fullnægjandi viðskiptaáætlun sem nýtist bæði við markmiðasetningu og umsóknir fyrir fjárveitingum.
Gæta þarf að námsmatið meti þá þekkingu, leikni og hæfni sem skilgreind er í öllum viðmiðum áfangans. Lágmarkseinkunn er 7.