Lífsnám með áherslu á andlegt og líkamlegt heilbrigði og velferð.
LÍFS1LB01(B)
116
lífsleikni
Geðheilbrigði, hreyfing og næring
Samþykkt af skóla
1
1
B
Meginefni áfangans er geðheilbrigði, hreyfing og næring. Nemendur kynnast ýmsum þáttum sem tengjast geðheilsu, geðvernd og forvörnum. Unnið verður með mikilvægi góðra lifnaðarhátta s.s. hreyfingu, næringu og svefn og tengsl þeirra við geðheilsu fólks. Einnig verður lögð áhersla á þá þætti sem stuðla að góðri líðan og eflingu sjálfsmyndar.
Engar
Nemandi skal hafa öðlast þekkingu og skilning á:
Áhrifum mataræðis á líkama og sál
Áhrifum hollra lífshátta, mataræðis, hvíldar, svefns, hreyfingar og ákveðins skipulags á eigið geðheilbrigði
Einkennum andlegrar vanlíðunar s.s. kvíða og þunglyndi
Þeim úrræðum sem nemendur geta leitað í þegar þeim líður illa
Áhrifum góðrar sjálfsmyndar og samskipta á eigið geðheilbrigði
Nemandi skal hafa öðlast leikni í að:
Velja sér fjölbreytta næringu
Viða að sér fræðilegu efni um geðheilbrigði
Fara eftir ráðleggingum varðandi holla lífshætti, fæðuval og hreyfingu
Leita sér aðstoðar þegar vanlíðan gerir vart við sig
Eiga gefandi félagsleg samskipti við aðra
Nemandi skal geta hagnýtt þá almennu þekkingu og leikni sem hann hefur aflað sér til að:
Geta greint gæði og hollustu matvæla
Velja leiðir sem styrkja og efla gott geðheilbrigði
Geta brugðist við einkennum hjá sjálfum sér eða félögum þegar andlegra erfiðleika verður vart og leita aðstoðar eftir þörfum
Nota fjölbreytta hreyfingu sér til heilsubótar
Vera umburðarlyndur gagnvart mismunandi getu einstaklinga
Ræða opinskátt um heilbrigt líferni og geðheilsu
Leiðsagnarmat; verkefnaskil og virkni. Sjálfsmat og jafningjamat.