Í áfanganum er lögð áhersla á að gera nemendur meðvitaða um mannréttindi og jafnrétti í nútímasamfélagi. Fjallað verður um ólík samfélög og menningu í þessu samhengi. Greint hvernig þættir eins og búseta, fötlun, kyn og kynhneigð geti skapað mismun eða forréttindi í lífi fólks.
Engar
Nemandi skal hafa öðlast þekkingu og skilning á:
Almennri stöðu kynjanna
Grundvallaratriðum varðandi kynjahlutverk
Ólíkum menningarheimum og mismunandi trúarbrögðum
Hvernig þættir eins og búseta, fötlun, kyn og kynhneigð geti skapað mismun eða forréttindi í lífi fólks
Eigin fordómum og staðalímyndum og fordómum í samfélaginu
Almennum mannréttindum
Nemandi skal hafa öðlast leikni í að:
Vera meðvitaður um staðlaðar hugmyndir um fólk og menningu, bæði eigin og annarra
Rækta með sér samkennd og virðingu fyrir skoðunum og lífsgildum annarra
Sett sig í spor þeirra sem verða fyrir mismunun og áttað sig á forréttindum einstaklinga
Nemandi skal geta hagnýtt þá almennu þekkingu og leikni sem hann hefur aflað sér til að:
Efla samkennd með fólki sem er ólíkt honum sjálfum s.s. flóttamenn, innflytjendur og fólk sem hefur almennt ólíkar skoðanir
Taka á fordómum í samfélaginu og leitast við að fylgja málstað jafnra tækifæra og réttlætis
Virða jafnrétti í samskiptum og vera meðvitaður og gagnrýninn á áhrif fyrirmynda og staðalímynda á eigin ímynd og lífsstíl
Vinna sjálfstætt og með öðrum að greiningu og framsetningu upplýsinga með skýrum hætti
Leiðsagnarmat; verkefnaskil og virkni. Sjálfsmat og jafningjamat.