Í áfanganum þjálfast nemendur í undirstöðuatriðum leiklistar svo sem persónusköpun, spuna og látbragðsleik. Áhersla er lögð á að nemendur öðlist skilning á fjölþættu eðli leiklistarinnar og hvernig hún tengist öðrum listgreinum. Kynnt eru hugtök og orðaforði sem tengist greininni. Nemendur eru þjálfaðir í ýmsum spunaaðferðum sem nýtast í leiklist. Unnið verður með sagnaaðferðir, einnig tekist á við textavinnu og verkfærakista leikarans stækkuð. Unnið er með uppbyggingu karakters og grunnur að leiklistarsögu kynntur. Leikgleði og líkamleg meðvitund efst á baugi. Hópvinna, paravinna og einstaklingsvinna.
Nemandi skal hafa öðlast þekkingu og skilning á:
grunnvinnu við persónusköpun
þekki vinnubrögð við úrvinnslu leiktexta
grunnhugtökum í leiklist
Nemandi skal hafa öðlast leikni í að:
reyna á sig við úrlausnir verkefna í hópavinnu
skrifa dagbók fyrir bekkinn sinn
tjá sig skýrt og geta gert grein fyrir aðferðum og útkomu verkefna
taka virkan þátt í spuna
lesa margskonar gerðir af leiktextum
Nemandi skal geta hagnýtt þá almennu þekkingu og leikni sem hann hefur aflað sér til að:
fá tilfinningu fyrir líkama sínum og rödd sem verkfæri í leiklist
öðlast öryggi og sjálfstraust á leiksviði
vinna með leiktexta
ræða um persónusköpun
vinna spunaverkefni og þróa áfram
ræða og vinna með grunnhugtök í leiklist
vinna verkefni í hópavinnu
öðlast skilning á rými og líkamsvitund
Námsmat er útfrært í kennsluáætlun í samræmi við skólanámskrá