Í áfanganum er fjallað um náttúruna í heild sinni, lífríki og tengsl fólks við náttúruna. Áhersla er lögð á gróðurfar, náttúrutúlkun og náttúrufarsupplýsingar sem gagnast leiðsögumönnum og öðrum í ferðaþjónustu. Einnig verður til umfjöllunar umhverfismál, náttúruvernd og sjálfbærni í ferðaþjónustu.
Nemandi skal hafa öðlast þekkingu og skilning á:
vistkerfi og lífríki Íslands
gróður- og náttúrufari á Íslandi
náttúrutúlkun
hugmyndafræðinni að „ferðast fallega“ (e. leave no trace)
sjálfbærni, umhverfismálum og náttúruvernd
hugmyndafræði og tilgangi þjóðgarða og annarra friðlýstra svæða
Nemandi skal hafa öðlast leikni í að:
lesa náttúruna
nota náttúrutúlkun
miðla upplýsingum um umhverfið með náttúruvernd og sjálfbærni að leiðarljósi
„ferðast fallega“ (e. leave no trace)
Nemandi skal geta hagnýtt þá almennu þekkingu og leikni sem hann hefur aflað sér til að:
fara fyrir hópi fólks sem leiðsögumaður með náttúrutúlkun, náttúruvernd og sjálfbærni að leiðarljósi
geta upplýst ferðafólk um vistkerfi og gróðurfar
geta fjallað um tengsl manns og náttúru og vakið með því skilning til virðingar og virðingu til verndunar
geta tengt fólk við náttúruna með því að virkja skynfæri þess
ganga vel um náttúruna og vera til fyrirmyndar í umgengni við hana
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.