Nemendur kynnast grundvallarhugtökum í Rafmagns- og Ljósbylgjufræði og geti beitt þeim við úrlausn verkefna sem lögð eru fyrir. Nemendur eiga að geta beitt þeim einingum SI einingakerfisins er tengjast námsefninu. Efnisþættir: Rafmagnsfræði, bylgjufræði, ljósbylgjufræði, sveifluhreyfing, vægi og segulfræði.
Að nemandi hafi lokið einum áfanga í eðlisfræði á 2. þrepi.
Nemandi skal hafa öðlast þekkingu og skilning á:
grundvallarhugtökum í rafmagns- bylgju- og ljósgeislafræði
hinum ýmsu lögmálum eðlisfræðinnar ss. Lögmál Coulombs, Ohms og Faradays
hugtökunum rafkraftur, rafsvið og hleðsla og geti fundið rafkraft milli tveggja hlaðinna hluta
reglum Kirchoffs um tengipunkt í rafrás
jafnstraumsrásum og kunni að beita Ohms-lögmáli til að finna heildarviðnám í rað- og hliðtengdum rásum
sveiflum og bylgjum og geti reiknað fyrir hana sveiflutíma, tíðni og hornhraða
notkun stafrænna miðla við lausn og framsetningu verkefna.
Nemandi skal hafa öðlast leikni í að:
vinna með grundvallarhugtök eðlisfræðinnar sem tengjast viðkomandi efni
vinna með hugtökin rafkraftur, rafsvið og hleðsla
að reikna út strauma, spennu og viðnám í mismunandi rafrásum
leysa ýmis verkefni sem tengjast bylgjum
leysa dæmi sem þar sem sveiflutími, og hornhraði koma fyrir.
nýta stafræna miðla við úrlausn verkefna.
Nemandi skal geta hagnýtt þá almennu þekkingu og leikni sem hann hefur aflað sér til að:
beita grundvallarhugtökum eðlisfræðinnar sem tengjast viðkomandi efni.
nota og skilja lögmál eðlisfræðinnar við lausn ýmissa verkefna.
beita lögmálum sem tengjast rafkrafti, rafsviði og hleðslu og geta nýtt sér þá kunnáttu við lausn verkefna.
nota viðeigandi reglur til að reikna út strauma, spennu og viðnám í mismunandi rafrásum.
leysa ýmis verkefni sem tengjast bylgjum
miðla hugmyndum og lausnum með stafrænum hætti.
Leiðsagnarmat þar sem vinna nemenda er metin jafnóðum allan námstímann. Til grundvallar matsins eru fjölbreytt verkefni og/eða próf úr ólíkum efnisþáttum.