Nemendur vinna hefðbundna handavinnu í tímum, með áherslu á prjón, hekl, útsaum og annað sem ekki þarf tæki eða tækni við. Handavinnubúð verður heimsótt a.m.k. einu sinni á önninni til að nemendur geti kynnt sér hvað þar fæst. Einnig verður kíkt á vefsíður sem tileinkaðar eru handavinnu og gætu nýst nemendum í áfanganum og síðar.
Áhersla verður lögð á góð samskipti þar sem nemendur segja ekki bara frá heldur hlusta líka á frásögur samnemenda.
Nemandi skal hafa öðlast þekkingu og skilning á:
grunnatriðum í prjóni og hekli.
hvar hann getur nálgast uppskriftir og áhöld sem nauðsynleg eru fyrir handavinnuna
góðum samskiptavenjum innan hópsins, þar sem hlustað er á
aðra samnemendur og allir taka þátt í samræðum frekar en að segja eingöngu kennaranum frá
Nemandi skal hafa öðlast leikni í að:
nota prjóna og heklunál
nota áhöldin til að gera grunnatriði í prjóni og hekli, t.d. að fitja upp, fella af, einfaldar aðferðir í prjóni og hekli (slétt og brugðið, einfalt hekl).
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt einföld handavinnuverkefni eftir að námi lýkur
geta leyst af hendi létt prjóna- og heklverkefni
Námsmat er útfært í kennsluáætlun í samræmi við skólanámskrá