Það kom upp villa senda inn  Áfangi

    Áfangi Nánari upplýsingar


    Búið til: 1643713714.18

    Heilbrigðisfræði
    HBFR2HE05
    2
    heilbrigðisfræði
    heilbrigðisfræði
    Samþykkt af skóla
    2
    5
    Í áfanganum er heilbrigðishugtakið skilgreint. Lögð er áhersla á hlutverk og þróun heilbrigðisfræði og áhrif hennar á nútíma heilbrigðismál. Fjallað er um helstu heilbrigðisvandamál í nútíma samfélagi og forvarnir gegn þeim. Áhersla er lögð á forvarnarstarf gegn sjúkdómum og slysum, áhættuþætti sem þeir tengjast og hvernig einstaklingar geta haft áhrif á eigið heilbrigði. Einnig er tekið fyrir forvarnarstarf sem snýr meðal annars að áfengis- og vímuefnavörnum, smitsjúkdómavörnum o.fl. Samfélag og umhverfi nemenda er skoðað. Ígrundað hvaða þættir stuðla að auknu heilbrigði og hvað hægt er að gera til að efla forvarnir í eigin umhverfi.
    Engar
    Nemandi skal hafa öðlast þekkingu og skilning á:
    • heilbrigðishugtakinu
    • þróun heilbrigðisfræði og áhrifum á heilbrigðismál
    • helstu heilbrigðisvandamálum í nútíma samfélagi og forvörnum gegn þeim
    • aðferðum og aðgerðum sem stuðla að heilsueflingu og forvörnum sjúkdóma
    • ábyrgð einstaklingsins á eigin heilsu
    • helstu umhverfisþáttum sem ógnað geta heilbrigði einstaklingsins
    Nemandi skal hafa öðlast leikni í að:
    • afla á fjölbreyttan hátt þekkingar um aðgerðir og aðferðir sem stuðla að slysavörnum, heilsueflingu og forvörnum sjúkdóma
    • sýna í verki að hann tekur ábyrgð á eigin heilsu
    • útskýra og kynna forvarnir fyrir unglingum
    • gera grein fyrir umhverfisþáttum sem geta ógnað heilbrigði manna
    Nemandi skal geta hagnýtt þá almennu þekkingu og leikni sem hann hefur aflað sér til að:
    • útskýra heilbrigðishugtakið út frá mismunandi menningarheimum
    • greina samspil lífstíls og heilsu
    • greina eigin lífsstíl og áhættuþætti tengda honum
    • álykta um áhrif heilbrigðisfræðinnar á þróun heilbrigðismála í nútímanum
    • miðla á skapandi hátt upplýsingum um helstu heilbrigðisvandamál og forvarnir þeirra
    Leiðsagnarmat þar sem vinna nemenda er metin jafn óðum allan námstímann. Til grundvallar matsins eru fjölbreytt verkefni og/eða próf úr ólíkum efnisþáttum.