Í áfanganum er fjallað um enskar bókmenntir, kvikmyndir og sjónvarpsefni sem endurspegla menningu og sögu Bretlandseyja í víðu samhengi. Lögð verður áhersla á sjálfstæð vinnubrögð nemenda og að þeir taki virkan þátt í kennslunni. Nemendur vinna fjölbreytt verkefni sem reyna meðal annars á sköpunarkraft og notkun stafrænnar tækni.
Að nemandi hafi lokið einum áfanga á þriðja þrepi.
Nemandi skal hafa öðlast þekkingu og skilning á:
bókmenntum og menningu Bretlands
túlkun bókmennta og dýpri merkingu texta
ólíkum stefnum og straumum í bókmenntum
heimildaöflun og heimildavinnu
Nemandi skal hafa öðlast leikni í að:
tjá sig á skapandi hátt á ensku
tjá skoðanir sínar á tilteknum bókmenntaverkum og/eða menningarþáttum í ræðu og riti og með stafrænni tækni
lesa flóknari enska texta
greina bókmenntatexta út frá sögulegu, félagslegu, menningarlegu eða pólitísku samhengi
nýta sér fyrirlestra, umræður og ritað mál um efni menningarlegs og vísindalegs eðlis
sækja sér heimildir og vinna úr þeim á akademískan hátt
sýna sjálfstæði og frumkvæði í vinnubrögðum og geta dregið ályktanir
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig um og taka þátt í umræðum um bókmenntir og dægurmál í enskumælandi löndum
túlka og greina krefjandi bókmenntaverk á ensku
flytja vel uppbyggða frásögn, kynningu eða greinargerð, draga fram aðalatriði og rökstyðja mál sitt vandlega með dæmum og bregðast við fyrirspurnum
lesa sér til gamans og/eða fróðleiks flóknari enska texta
Leiðsagnarmat þar sem verkefnavinna nemenda er metn jafnt og þétt. Verkefnaskil eru fjölbreytt og skapandi og nemendur nýta meðal annars stafræna tækni í verkefnavinnu sinni. Námsmat er nánar útfært í kennsluáætlun