Í þessum áfanga er fjallað um frumatriði almennar efnafræði. Til umfjöllunar er bygging atóma/frumeinda, lotukerfið, nafngiftareglur, efnahvörf, hlutföll í efnahvörfum, oxun/afoxun, ástand efna, mólhugtakið, lausnir, sýrur/basar og efnahvörf í vatnslausn.
Engar
Nemandi skal hafa öðlast þekkingu og skilning á:
meðferð og áreiðanleika mælieininga
uppbyggingu atóma, jóna og sameinda
grunnþáttum lotukerfisins
helstu nafngiftareglum ólífrænna efnasambanda
nokkrum gerðum efnahvarfa
hlutföllum efna í efnahvörfum
mólhugtakinu
ástandsformi efna
oxunartölum
mismunandi lausnum og leysni efna
sýrum og bösum
Nemandi skal hafa öðlast leikni í að:
nota lotukerfið
rita rétt nöfn ólífrænna efnasambanda
stilla einfaldar efnajöfnur
nota mólhugtakið við einfalda útreikninga
ákvarða oxunartölur og nota þær til þess að stilla efnajöfnur
meta hvort efni oxist eða afoxist í efnahvörfum
reikna mólstyrk efna
þekkja einföld sýru- og basahvörf
Nemandi skal geta hagnýtt þá almennu þekkingu og leikni sem hann hefur aflað sér til að:
notfæra sér lotukerfið og nauðsynlegar hjálpartöflur ...sem er metið með... margvíslegum munnlegum og skriflegum verkefnum
lesa úr efnatáknum og efnajöfnum ...sem er metið með... munnlegum og skriflegum verkefnum
þjálfa sjálfstæð vinnubrögð við úrlausn verkefna ...sem er metið með... leiðsagnar- og sjálfsmati
auka skilning sinn á notagildi efnfræðinnar og tengja hana við daglegt líf ...sem er metið með... verkefnum og umræðum
miðla þekkingu sinni og skoðunum með stafrænum hætti ...sem er metið með... ýmsum verkefnum
Leiðsagnarmat þar sem vinna nemanda er metin jafnóðum allan námstímann. Til grundvallar matsins eru fjölbreytt verkefni og/eða próf úr ólíkum efnisþáttum.