Samþætting tækni, stærðfræði, verkfræði og listir, vísinda
Samþykkt af skóla
1
5
Í þessum áfanga er áhersla lögð á að samþætta tækni, vísindi, stærðfræði, verkfræði og listir. Nemendur kynnast vísindalegri- skapandi- og gagnrýnni hugsun ásamt því að þjálfast í tæknilæsi og tæknifærni í gegnum verkefni. Vísindalegar aðferðir eru kynntar og nemendur fá tækifæri til að framkvæma tilraunir og skilja samhengi skapandi hugsunar og vísindastarfs. Nemendur kynnast aðferðum listsköpunar og notkun á ólíkum efnivið í listsköpun. Rætt er um tengingu lista, vísinda og tækni og hvernig stærðfræðin getur birst í listsköpun og hvernig afurðir verkfræðinnar geta endurspeglað listræna hugsun. Nemendur fá þjálfun í hugmyndavinnu og hvernig þeir geta sett fram hugmyndir og kynnt þær. Nemendur fái innsýn inn í heim fagfólks í tækni, vísindum, stærðfæði, verkfræði og listum með tengingu við atvinnulíf, samfélag og umhverfi.
Engar
Nemandi skal hafa öðlast þekkingu og skilning á:
þverfaglegum tengingum raun- og listgreina
hugmyndavinnu og skapandi ferli
mikilvægi samvinnu og verkefnastjórnunar í flóknum verkefnum
mikilvægi góðra samskipta við samstarfsaðila
á hugbúnaði, tækjum og aðferðum sem nýtast til sköpunar og miðlunar
heimildaöflun í undirbúningi skapandi verkefna
Nemandi skal hafa öðlast leikni í að:
nota fjölbreyttar aðferðir og tækni við miðlun þekkingar sinnar og hugmynda
beita hönnunarhugsun í skapandi ferli
rýna eigin hugmyndir og annarra til gagns
sýna seiglu og halda vel utan um verkefnaþróun
vinna að samþættingu raun- og listgreina
leysa úr ágreiningi og finna leiðir til úrlausna þegar þess gerist þörf
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að þverfaglegu verkefni þar sem hann nýtir þær aðferðir og verkfæri sem liggja til grundvallar í áfanganum
afla upplýsinga, túlka þær og miðla
nota hönnunarhugsun við hagnýt verkefni
setja fram hugmyndir sínar á skapandi hátt
vera virkur í samstarfi og þróunarvinnu
virða höfundarrétt og nota heimildir og tilvísanir eftir viðurkenndum leiðum
Leiðsagnarmat þar sem vinna nemenda er metin jafn óðum allan námstímann. Til grundvallar matinu eru fjölbreytt verkefni og/eða próf úr ólíkum efnisþáttum.