Samþætting tækni, stærðfræði, verkfræði og listir, vísinda
Samþykkt af skóla
2
5
Í þessum áfanga er áhersla lögð á að samþætta tækni, vísindi, stærðfræði, verkfræði og listir út frá áhugasviði nemenda. Nemendur vinna með hugmynd sem þeir kynntu í STÍM I eða aðra hugmynd sem þeir setja fram í upphafi áfangans. Nemendur fá þjálfun í að setja fram hugmyndir sínar á einfaldan hátt. Þeir fá þjálfun í að nýta sér hugbúnað, tækni og tæki eftir því sem við á í hönnunarvinnu. Lögð er áhersla á að nemendur fái tækifæri til að tengjast atvinnulífi, samfélagi og umhverfi við úrvinnslu verkefna og geti nýtt sér fjölbreytt verkfæri við hugmyndavinnu og sköpun.
STÍM1AA05
Nemandi skal hafa öðlast þekkingu og skilning á:
því hvernig vísindi og tækni geta samþætt raun og listgreinar
hugmyndahugsun og skapandi ferli
mikilvægi samvinnu og verkefnastjórnunar í flóknum verkefnum
mikilvægi góðra samskipta við samstarfsaðila
á hugbúnaði, tækjum og aðferðum sem nýtast til sköpunar og miðlunar
heimildaöflun í undirbúningi skapandi verkefna
Nemandi skal hafa öðlast leikni í að:
nota fjölbreyttar aðferðir og tækni við miðlun þekkingar sinnar og hugmynda
vinna sjálfstætt og með öðrum að samþættum verkefnum
rýna eigin hugmyndir og annarra til gagns
sýna seiglu og skipuleggja eigin verkefnavinnu
leysa úr ágreiningi og finna leiðir til úrlausna þegar þess gerist þörf
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að þverfaglegu verkefni þar sem hann nýtir þær aðferðir og verkfæri sem liggja til grundvallar í áfanganum
afla upplýsinga og heimilda sem nýtast inn í verkefnið
móta hugmynd út frá eigin áhugasviði og búa til afurð
virða höfundarrétt og nota heimildir og tilvísanir eftir viðurkenndum leiðum
Leiðsagnarmat þar sem vinna nemenda er metin jafn óðum allan námstímann. Til grundvallar matinu eru fjölbreytt verkefni og/eða próf úr ólíkum efnisþáttum.