bókfærsla, dagbók, fyrsti áfangi, grunnatriði bókfærslu, inngangur að bókfærslu, uppgjör
Samþykkt af skóla
1
5
Í þessum byrjunaráfanga er fjallað um bókhaldshringrásina og helstu reglur tvíhliða bókhalds. Fjallað er um grundvallarhugtökin eignir, skuldir, gjöld og tekjur. Lögð er áhersla á að nemendur verði færir um að annast almennar færslur í dagbók, hafi skilning á uppgjöri og geti sett fram efnahags- og rekstrarreikning. Nemendum er veitt innsýn í notkun flestra reikninga sem telja má til grunn reikninga í fjárhagsbókhaldi. Nemendum er gerð grein fyrir tilgangi bókhalds og kynnt helstu lög um bókhald og virðisaukaskatt.
Nemandi skal hafa öðlast þekkingu og skilning á:
Grundvallarhugtökum tvíhliða bókhalds
Hinum fjórum grundvallarlyklum bókhalds, eignir, skuldir, gjöld og tekjur
Muninum á efnahags- og rekstrarreikningi
Hugtökunum álagning, vextir, afskriftir, söluhagnaður og tap eigna
Flutningsskilmálunum FOB og CIF
Undirstöðuatriðum launabókhalds
Nemandi skal hafa öðlast leikni í að:
Hefja bókhald með hliðsjón af fyrirliggjandi efnahagsreikningi eða stofnun fyrirtækis
Stilla upp prófjöfnuði
Gera einfaldar dagbókarfærslur
Nemandi skal geta hagnýtt þá almennu þekkingu og leikni sem hann hefur aflað sér til að:
Geta gert upp viðskipti fyrir ákveðið tímabil
Geta gert lagfæringar á bókhaldinu með hliðsjón af einföldum athugasemdum svo sem varðandi afskriftir, birgðatalningu, fyrirfram og ógreiddan kostnað og fleira
Geta gert upp virðisaukaskatt
Geta sett upp rekstrar- og efnahagsreikning í lok reikningstímabils
Í áfanganum er viðhaft leiðsagnarmat með símati yfir áfangann. Öll vinna, þátttaka og verkefni í áfanganum gilda til einkunnar.