Í áfanganum elda nemendur heima sér til ánægju og yndisauka. Áætlað er að nemendur eldi eina máltíð á viku eftir uppskrift og áhersla er lögð á að elda allt frá grunni. Um leið eiga nemendur að hafa heimsmarkmið SÞ að leiðarljósi og velta fyrir sér mat úr héraði, matarsóun, kolefnisspori matvæla og plastnotkun. Nemendur halda utan um matreiðsluna í rafrænni myndadagbók þar sem þeir segja frá í rituðu máli, mynd og tali.
Nemandi skal hafa öðlast þekkingu og skilning á:
Mismunandi tegundum hráefnum
Að matreiða frá grunni
Næringargildi og samsetningu á matseðlum
Mismunandi tegundum mataræðis
Tengslum framleiðslu matar og kolefnisspors
Nemandi skal hafa öðlast leikni í að:
Matreiða heima hjá sér til gagns og gamans
Leggja fallega á borð og bera matinn fram á fallegan máta
Lesa uppskriftir á íslensku og erlendu máli og fara eftir þeim
Elda og baka sem mest frá grunni
Kaupa inn rétt magn af hráefnum
Nemandi skal geta hagnýtt þá almennu þekkingu og leikni sem hann hefur aflað sér til að:
Átta sig á næringarinnihaldi matarins
Að setja fram á skýran og myndrænan hátt í rafbók það sem hann hefur verið að elda
Tjá sig á málefnalegan máta um mat, uppskriftir og eldamennsku
Spyrna gegn matarsóun
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er mikilvægt að nemendur stundi námið reglulega. Gerðar kröfur um sjálfstæð vinnubrögð og þátttöku í umræðum.