Í áfanganum er lögð áhersla á að nemendur kynnist miðlun og tækni ásamt skipulagi og stjórnun smærri viðburða. Farið er yfir hæfniþætti sem liggja að baki viðburðum og útsendingum. Fengist er við handritagerð, höfundarrétt og persónuverndarlög ásamt handritagerð fyrir hljóð- og myndefni. Einnig er farið yfir grunn í raddbeitingu og líkamstjáningu. Farið er yfir myndbyggingu, liti, sjónarhorn, lýsingu og listræna tjáningu myndefnis ásamt því að spreyta sig á notkun tækja og búnaðar til framleiðslu efnisins.
Nemandi skal hafa öðlast þekkingu og skilning á:
Yfirferð efnis með tilliti til höfundaréttar og persónuverndarlaga
Gerð einfaldra handrita fyrir hljóðupptökur og myndskeið
Beitingu góðrar myndbyggingar, lýsingar og lita
Skipulagi smærri viðburða
Raddbeitingu og líkamstjáningu
Hljóði og mynd í upptökum
Tæknibúnaði við gerð efnis
Opinberri birtingu efnis og að streyma efni
Nemandi skal hafa öðlast leikni í að:
Yfirfara efni með tilliti til höfundaréttar og persónuverndarlaga
Gera einföld handrit fyrir hljóðupptökur og myndskeið
Beita góðri myndbyggingu, lýsingu og litum
Skipuleggja smærri viðburði
Beita röddinni og nota hljóðnema
Beita líkamstjáningu á upptökum
Nota tækni til að framleiða hljóð og mynd
Birta efni opinberlega og streyma efni
Nemandi skal geta hagnýtt þá almennu þekkingu og leikni sem hann hefur aflað sér til að:
Geta framleitt einfaldar hljóðupptökur og myndskeið
Standa fyrir smærri viðburðum
Koma fram með góðri raddbeitingu og líkamstjáningu
Beita einfaldri tækni til að taka upp og birta myndskeið á stafrænu formi
Birta efni opinberlega og streyma því
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.