Nemendur fá innsýn í helstu grunnhugtök og meginviðfangsefni hagfræðinnar. Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helstu hagstærðir þjóðarbúsins og innbyrðis tengsl þeirra. Áhersla er lögð á fjármál einstaklingsins og mikilvægi meðvitaðar ákvarðanartöku í fjármálum til lengri og/eða skemmri tíma. Nemendur fá þjálfun í hagnýtum útreikningum í tengslum við tekjur, útgjöld, sparnað, lánamál og fleira.
Engar
Nemandi skal hafa öðlast þekkingu og skilning á:
grunnhugtökum og kenningum í þjóðhagfræði
helstu hugtökum hagfræðinnar
hvernig hlutverki hins opinbera er háttað, skattkerfi og samneyslu
gengi gjaldmiðla og áhrif gengis á viðskipti í víðum skilningi
sparnaði, lántöku, vöxtum og verðbótum
Nemandi skal hafa öðlast leikni í að:
útskýra grunhugtök og kenningar í þjóðhagfræði
lesa og skilja fréttir um hagfræðileg málefni
afla sér upplýsinga um hagfræðileg málefni
reikna og túlka hagstærðir eins og verðbólgu, vexti, hagvöxt o.fl
gera sitt eigið skattframtal
greina fjármálahugtök
reikna laun og vexti, framreikna lán og skuldir
undirbúa framtíðar markmið í sparnaði, fjárfestingum o.þ.h.
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í daglegri fjármálaumræðu út frá faglegu sjónarmiði og dæmum
taka upplýstar ákvarðanir um eigin fjármál
skýra hvernig hagkerfi starfar og helstu verkefnum sam aðilar hagkerfisins takast á við
vera læs á helstu stoðir hagkerfisins
geta skýrt frá mikilvægi markmiðasetningar í fjármálum einstaklinga í lengri og/eða skemmri tíma
afla sér frekari þekkingar um fjármál og geta nýtt sér upplýsingatækni og netið við öflun upplýsinga og lausn verkefna sem tengjast fjármálaviðfangsefnum
Leiðsagnarmat þar sem vinna nemenda er metin jafn óðum allan námstímann. Til grundvallar matinu eru fjölbreytt verkefni og/eða próf úr ólíkum efnisþáttum.