Fjallað er um töluleg gögn og myndræna framsetningu á þeim með myndritum, einkennistölum fyrir gagnasöfn, dreifingu og undirstöðuatriði líkindareiknings. Þegar grunnskilningur er nægur verður áhersla lögð á raunveruleg verkefni sem tengjast málefnum í samfélaginu.
STÆR2AA05
Nemandi skal hafa öðlast þekkingu og skilning á:
undirstöðuhugtökum úr lýsandi tölfræði
helstu hugtökum um gagnasöfn, s.s. tíðasta gildi, venjulegt meðaltal, vegið meðaltal og miðgildi
helstu hugtökum um dreifingu gagnasafns, s.s. seilingu, meðalfrávik, staðalfrávik og hlutfallslegt frávik
líkindahugtakinu og hugtökunum útkoma, atburður og útkomurúm
hugtökunum samantekt og umröðun
fylgnihugtakinu
nýtingu stafrænnar tækni í vinnu verkefna.
Nemandi skal hafa öðlast leikni í að:
vinna tíðnitöflur úr gefnu gagnasafni
að setja tíðnidreifingu fram á myndrænan hátt
reikna helstu gildi sem lýsa gagnasöfnum, s.s. tíðasta gildi, venjulegt meðaltal, vegið meðaltal og miðgildi
reikna helstu gildi um dreifingu gagnasafns, s.s. seilingu, meðalfrávik, staðalfrávik og hlutfallslegt frávik
nota töflureikna til að vinna úr tölfræðilegum gögnum
vinna með samantektir og umraðanir
reikna fylgni
reikna út líkindi á gefnum atburði í einföldu líkindarúmi
setja fram niðurstöður á starfrænu formi.
Nemandi skal geta hagnýtt þá almennu þekkingu og leikni sem hann hefur aflað sér til að:
beita fjölbreyttum vinnubrögðum og gagnrýnum viðhorfum við vinnslu tölfræðilegra gagna
taka tölfræðiupplýsingum með gagnrýnu hugarfari og vera meðvitaður um misbeitingu tölfræðinnar, s.s. varðandi prósentureikning og myndræna framsetningu
miðla upplýsingum á stafrænan hátt.
Leiðsagnarmat þar sem vinna nemenda er metin jafnóðum allan námstímann. Til grundvallar matsins eru fjölbreytt verkefni og/eða próf úr ólíkum efnisþáttum.