Rifjaðar eru upp mismunandi suðuaðferðir í yfirbyggingu bifreiða svo sem stálsuða, koparsuða, álsuða og punktsuða. Unnin eru krefjandi verkefni í mismunandi suðuaðferðum á efnisþykkt 0,8 til 1,5 mm. Áhersla er lögð á öryggisatriði og notkun á réttum hlífðarbúnaði. Áhersla er á verkefnavinnu og þjálfun nemanda.
Málmsuða 1
Nemandi skal hafa öðlast þekkingu og skilning á:
Mismunandi suðuaðferðum í yfirbyggingum bifreiða.
Virkni mismunandi suðutækja og verkfæra.
Mikilvægi notkunar öryggis- og hlífðarbúnaðar.
Nemandi skal hafa öðlast leikni í að:
Velja rétta suðuaðferð miðað við efnið sem sjóða á.
Nota mismunandi suðuaðferðir og suðutæki.
Nota og meðhöndla viðeigandi verkfæri.
Nemandi skal geta hagnýtt þá almennu þekkingu og leikni sem hann hefur aflað sér til að:
Sjóða mismunandi efni í yfirbyggingum bifreiða.
Velja réttar suðuaðferðir og -tæki.
Framkvæma vinnu á öruggan hátt.
Vinna sjálfstætt.
Símat. Verkefni sem tengjast hæfniviðmiðum áfangans verða lögð fyrir og metin.