Það kom upp villa senda inn  Áfangi

    Áfangi Nánari upplýsingar


    Búið til: 1662721679.89

    Sýningar og keppni
    HSÝN2FB04(AH)
    2
    Sýningar og keppni
    Sýningar og keppni
    Samþykkt af skóla
    2
    4
    Í áfanganum eru keppnisgreinar hárfagsins skoðaðar frá ýmsum hliðum og nokkrar þeirra æfðar. Nemendur áfangans eru misjafnlega langt komnir í faginu og er komið til móts við þá þar sem þeir eru staddir í vali á verkefnum. Þeir þjálfast í að rýna í og fara eftir keppnisreglum, dæma verk sín og annarra, undirbúa sig fyrir keppni og keppa. Nemendur skoða hársýningar með gagnrýnum augum, fá að vera þátttakendur í tilfallandi sýningum og skipuleggja að lokum sýningu á eigin verkum og setja hana upp. Þetta er valáfangi sem veitir nemendum aukinn styrk og möguleika á að taka þátt í keppnum hérlendis og erlendis. Áfanginn styrkir einnig nemandann gagnvart ýmsum verkefnum hársnyrtibrautarinnar og veitir honum aukna möguleika á að koma sér á framfæri í faginu.
    Nemandi skal hafa öðlast þekkingu og skilning á:
    • ólíkum keppnisgreinum í hári.
    • algengustu reglum í hársnyrtikeppnum.
    • undirbúningi fyrir keppni.
    • hvernig dómur er unninn.
    • hvað einkennir góða hársýningu.
    • skipulagningu sýningar.
    Nemandi skal hafa öðlast leikni í að:
    • afla gagna og leita lausna við hönnun og gerð keppnisverkefna.
    • framkvæma valdar keppnisgreinar.
    • beita öguðum og skipulegum vinnubrögðum við undirbúning og framkvæmd keppnisverkefna og sýningar.
    • kynna verk sitt fyrir áhorfendum og lýsa því hvernig það er unnið.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • taka þátt í keppni.
    • setja upp sýningu.
    • geta unnið innan tímaramma og tekist á við tímapressu.
    • eiga auðveldara með að koma fram og tjá sig um verk sín.
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.