Skapandi íslenskuáfangi með áherslu á „framleiðslu“ á stuttum sögum, ævintýrum, frásögnum og fræðslu fyrir börn sem birtar yrðu á myndrænan og leikrænan hátt með hjálp margmiðlunarforrita og appa og deilt á internetið þannig að þau verði aðgengileg ungum áhorfendum.
10 ein. á 2. þrepi í íslensku
Nemandi skal hafa öðlast þekkingu og skilning á:
mismunandi frásagnaraðferðum og framsetningu í barnabókmenntum
mismunandi verkfærum til myndvinnslu, hljóðvinnslu og gerð margmiðlunarefnis
eigin samfélagslegri ábyrgð á innihaldi og birtingu efnis á netinu
Nemandi skal hafa öðlast leikni í að:
tjá sig á skýran, gagnrýninn og skapandi hátt um þá þekkingu sem hann öðlast í áfanganum
nota gagnrýna hugsun við skrif, úrvinnslu og túlkun fyrir unga notendur
sýna frumkvæði og sjálfstæði í vinnubrögðum við útfærslu verkefna
nota mismunandi verkfæri til myndvinnslu, hljóðvinnslu og gerð margmiðlunarefnis
Nemandi skal geta hagnýtt þá almennu þekkingu og leikni sem hann hefur aflað sér til að:
geta metið efni af neti og samfélagsmiðlum á gagnrýninn hátt og áhrif þess, jákvæð og neikvæð, á neytendur á mismunandi aldri
sýna þroskaða siðferðisvitund, víðsýni, sköpunarhæfni og samlíðan í verkefnum sínum
semja íslenskt efni ætlað börnum
búa til margmiðlunarefni svo sem teiknimyndir, brúðumyndir og hikmyndir (e. stop motion) með íslensku tali
Í áfanganum er viðhaft leiðsagnarmat með símati alla önnina. Öll verkefni gilda til einkunnar og er mikilvægt að nemendur stundi námið reglulega.