Um er að ræða byrjunarnám og er megináhersla lögð á að nemendur tileinki sér undirstöðuatriði tungumálsins. Frá upphafi fá nemendur þjálfun í færniþáttunum fjórum: tali, hlustun, ritun og lesskilningi. Áhersla er lögð á framburð, grunnatriði málnotkunar og uppbyggingu orðaforða tungumálsins. Nemendur kynnast menningu, siðum og staðháttum viðkomandi málsvæða. Í lok ársins eiga nemendur að hafa náð kunnáttu upp á stig A1 samkvæmt Evrópska tungumálarammanum.
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná leikni- og hæfnimarkmiðum áfangans
helstu grundvallarþáttum málkerfis viðkomandi tungumáls s.s. framburði, tónfalli og einfaldri setningaskipan
mannlífi, menningu og siðum í löndum þar sem viðkomandi tungumál er talað sem móðurmál eða fyrsta mál og þekkja samskiptavenjur
einföldum samskiptum og tjáningu í mæltu og rituðu máli
Nemandi skal hafa öðlast leikni í að:
skilja talað mál um kunnugleg efni þegar talað er skýrt, t.d. einfaldar leiðbeiningar og fyrirmæli, uppástungur og stuttar frásagnir og skilið helstu kveðjur og kurteisisávörp
kynna sjálfa sig og aðra, segja frá fjölskyldu sinni og vinum, daglegum athöfnum og frístundum (skólanum, íþróttum), það sem þau elska og mislíkar
lesa sér til skilnings stutta texta/ítarefni með hjálp orðskýringa/orðabóka
geta skrifað stuttan, einfaldan texta um sjálfan sig og sitt nánasta umhverfi, einföld persónuleg bréf og póstkort, skilaboð, boðskort, leiðarlýsingar og samtöl
nýta sér ýmis hjálpargögn í tungumálanáminu
Nemandi skal geta hagnýtt þá almennu þekkingu og leikni sem hann hefur aflað sér til að:
öðlast færni til að tjá sig munnlega og skriflega í stuttum setningum á frönsku um sjálfa sig og sitt nánasta umhverfi
öðlast nokkra þekkingu á frönskumælandi löndum og fengið innsýn í franskan menningarheim og siðvenjur
tileinka sér undirstöðuatriði framburðar á frönsku m.a. með því að nýta sér hlustunarefni
tileinka sér undirstöðuatriði franskrar málfræði
Gerð er grein fyrir námsmati og sundurliðun þess í námsáætlun.