Í þessum fyrri hluta annars þreps er áfram unnið að aukinni færni nemenda í lesskilningi, tali, hlustun og ritun og orðaforði aukinn jafnt og þétt. Leitast er við að nemendur fái aukin tækifæri til að tjá sig. Nemendur þjálfast í nýjum málfræðiatriðum og farið er dýpra í málfræðiatriði fyrra þreps. Nemendur vinna með ýmis konar kennsluefni, rauntexta, hlustunar- og myndefni. Nemendur lesa einfalda skáldsögu eða smásögur og leysa ýmis verkefni þar að lútandi. Lögð er ríkari áhersla á menningu og þjóðfélagsmál og önnur svið samfélagsins. Nemendur vinna sjálfstæð verkefni og miðla þeim jafnt munnlega sem skriflega. Í lok annar eiga nemendur að hafa náð kunnáttu upp á stig A2 (-B1) samkvæmt Evrópska tungumálarammanum.
FRAN1MÁ05(ms)
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta hæfniviðmiðum þrepsins, s.s. þverfaglegum orðaforða og flóknari orðasamböndum
notkun tungumálsins í færniþáttunum fjórum við mismunandi aðstæður
grundvallaruppbyggingu þjóðfélaga þar sem tungumálið er notað sem móðurmál eða fyrsta mál
ólíkum viðhorfum og gildum og hvernig þau móta menninguna í þeim löndum þar sem tungumálið er notað og geta tengt þau eigin reynslu, samfélagi og menningu
Nemandi skal hafa öðlast leikni í að:
skilja mál sem talað er við mismunandi aðstæður sem og skilja algengustu orðasambönd sem eru einkennandi fyrir talað mál
lesa margs konar gerðir texta og beita mismunandi lestraraðferðum
skrifa ýmis konar texta, jafnt formlega sem óformlega
tjá sig skýrt um málefni sem hann hefur kynnt sér og undirbúið
Nemandi skal geta hagnýtt þá almennu þekkingu og leikni sem hann hefur aflað sér til að:
skilja meginatriði daglegs máls, s.s. samræður og fjölmiðlaefni um efni sem hann þekkir
tileinka sér efni ritaðra texta af ýmsu tagi og hagnýta á mismunandi hátt
lesa texta af mismunandi formgerðum og eiga auðveldara en áður með að túlka þá og tjá sig munnlega og skriflega um efni þeirra
ræða við aðra af nokkru öryggi um efni sem hann þekkir vel til
taka þátt í einföldum skoðanaskiptum og færa rök fyrir máli sínu
tjá sig á nokkuð skýran hátt um ýmis almenn efni eða sérhæfðari efni sem hann hefur kynnt sér vel
skrifa flóknari og fjölbreyttari texta en áður um ýmis efni og fylgja viðeigandi ritunarhefðum
Gerð er grein fyrir námsmati og sundurliðun þess í námsáætlun.