Kynnt og unnið með sérhæfðan orðaforða í raunvísindum og tækni á ensku. Notaðar greinar af ýmsum sviðum raunvísinda og tækni. Einnig eru bókmenntir lesnar og vandlega skoðaðar út frá menningarlegu og/eða vísindalegu samhengi.
ENSK3AE05 (MS)
Nemandi skal hafa öðlast þekkingu og skilning á:
mismunandi fagtextum í raunvísindum og tækni
álitaefnum í raunvísindum og tækniþróun
tengslum rannsókna í raunvísindum og tækniþróun í mótun samfélaga
enskum orðasamböndum innan vísinda og tækni
framsetningu ritaðs og talaðs máls, aðallega formlegs máls
framsetningu hugmynda í skáldskap er tengjast raunvísindum og/eða menningu
fagorðabókum og íðorðasöfnum
heimildaskráningu
Nemandi skal hafa öðlast leikni í að:
skilja vel texta í raunvísindum og tækni
skilja vel talaða ensku um raunvísindi og tækni
skilja tengsl raunvísinda og tækni, og samfélags
taka virkan þátt í samræðum um ýmis álitaefni raunvísinda og tækni
skrifa ýmiss konar formlega texta samkvæmt enskum reglum og hefðum
greina viðhorf og tengsl raunvísinda og skáldskapar
lesa bókmenntalegan texta út frá raunvísindum og/eða menningu
nota reglur um heimildaskráningu
nota fagorðabækur og íðorðasöfn við nám sitt
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér fyrirlestra, umræður og rökræður um málefni raunvísinda og tækni
skilja inntak rökræðna og erinda um raunvísindi og tækni
átta sig á mismunandi notkun tungumálsins í töluðu máli og undirliggjandi viðhorfum og tilgangi þess sem talar
greina tengsl vísindaskáldskapar og raunverulegra kenninga
gagnrýna á rökfastan hátt texta um raunvísindi og tækni á hlutlægan hátt
tjá sig á skipulegan hátt um efni tengt raunvísindum og tækni
nýta sér heimildir samkvæmt reglum um notkun heimilda
nýta sér fagorðabækur og íðorðasöfn við nám sitt á réttan hátt
skrifa formlega ritgerð með inngangi með efnisyrðingu, meginmáli og lokaorðum
Gerð er grein fyrir námsmati og sundurliðun þess í námsáætlun.