Valáfangi. Þessum áfanga er ætlað að auka lestur nemenda á bókmenntaverkum á ensku, bæði klassískum sem og dægurbókmenntum. Nemendur velja sér sjálfir verk af lista sem útbúinn er af kennara. Góð kunnátta í ensku er forsenda farsæls náms í þessum áfanga en þó er áhugi á lestri bókmennta enn mikilvægari.
10 framhaldsskólaeiningar í ensku á 3. þrepi.
Nemandi skal hafa öðlast þekkingu og skilning á:
mismunandi bókmenntaverkum höfunda frá ýmsum enskum málsvæðum
enskri tungu og menningu í gegnum bókmenntir á ensku
mikilvægi gagnrýnnar hugsunar við bóklestur
helstu hugtökum bókmenntagreiningar
Nemandi skal hafa öðlast leikni í að:
lesa enskan bókmenntatexta á gagnrýninn hátt út frá tengslum við eigið líf og samfélag
taka þátt í virkum samræðum á ensku um álitaefni sem koma upp við bókmenntalesturinn
skilja vel reglur um heimildaskráningu og hugtakið ritstuld
skipuleggja eigið nám
Nemandi skal geta hagnýtt þá almennu þekkingu og leikni sem hann hefur aflað sér til að:
lesa sér til ánægju á ensku
búa til eigið lestrar- og námsskipulag og standa við það
tileinka sér notkun á helstu hugtökum bókmenntagreiningar
nýta sér bókmenntir til að líta á mannlegt samfélag með gagnrýnum augum
tjá sig á skipulagðan hátt um innihald valdra bókmenntaverka, bæði skriflega og munnlega
ígrunda skriflega sínar eigin framfarir sem lesanda
skrifa formlega bókmenntagagnrýni
Gerð er grein fyrir námsmati og sundurliðun þess í námsáætlun.