Nemendur lesa vandlega forna texta, bæði í bundnu og óbundnu máli. Þeir fá innsýn í norrænan hugmyndaheim og goðafræði gegnum fornsögur, Snorra-Eddu og eddukvæði. Nemendur vinna fjölbreytt verkefni sem auka skilning þeirra á fornu máli og samfélagi og setja fornbókmenntir í samhengi við samtíma sinn. Auk þess kynnast nemendur fræðilegri umfjöllun um íslenskar fornbókmenntir og fá þjálfun í notkun og úrvinnslu heimilda.
ÍSLE2LR05(ms)
Nemandi skal hafa öðlast þekkingu og skilning á:
mismunandi tegundum fornbókmennta og norrænni goðafræði
helstu einkennum íslenskra fornbókmennta
helstu atriðum í heimsmynd norrænnar goðafræði
ritunartíma fornsagna og menningararfleifð Íslendinga
fræðilegri umfjöllun um íslenskar fornbókmenntir
fjölbreyttri textagerð og heimildavinnu
Nemandi skal hafa öðlast leikni í að:
lesa forna texta og greina helstu einkenni þeirra
skoða fornan menningarheim í gegnum bókmenntir
bera saman heimsmynd fornbókmennta við íslenskan samtíma
tjá sig um fornar bókmenntir og gildi þeirra fyrir samfélagið
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir hugmyndaheimi íslenskra fornbókmennta
túlka og skýra heimsmynd og meginhugmyndir norrænnar goðafræði og tengja við menningu nútímans
öðlast læsi á forna menningu Íslendinga
beita gagnrýninni hugsun við lestur, túlkun og úrvinnslu krefjandi texta
beita skýru, lýtalausu og blæbrigðaríku máli í ræðu og riti
vinna margvísleg verkefni í tengslum við forna texta
Gerð er grein fyrir námsmati og sundurliðun þess í námsáætlun.