Nemendur fá þjálfun í munnlegri og skriflegri tjáningu. Veitt verður innsýn í heim sagnalistar, að fornu og nýju. Lögð verður áhersla á tengsl tungumálsins og ólíkra miðlunarleiða, samræðutækni, umræður og virka hlustun ásamt gagnrýninni og skapandi hugsun. Nemendum gefst einnig tækifæri til að tjá sig í rituðu máli og semja hvers kyns texta.
ÍSLE2HB05(ms)
Nemandi skal hafa öðlast þekkingu og skilning á:
helstu undirstöðuatriðum framsagnar, raddbeitingar og framkomu
helstu undirstöðuatriðum virkrar hlustunar
heimi sagnalistar, þ.e. lögmálum frásagnar
samspili tungumáls og ólíkra miðla
samræðutækni
Nemandi skal hafa öðlast leikni í að:
flytja af öryggi og sannfæringarkrafti vel byggða ræðu
flytja fjölbreytilegar kynningar á ýmsu efni við mismunandi aðstæður
semja ólíkar tegundir texta á skapandi hátt
vinna með árangursríkum hætti í hópvinnu
Nemandi skal geta hagnýtt þá almennu þekkingu og leikni sem hann hefur aflað sér til að:
greina eigin málflutning í þeirri viðleitni að bæta áfram það sem þarf
beita málinu á viðeigandi og árangursríkan hátt við mismunandi aðstæður í ræðu og riti
tjá skilmerkilega og áheyrilega afstöðu sína við hvers kyns kringumstæður
útskýra sjónarmið og taka virkan þátt í málefnalegum umræðum til að komast að vel ígrundaðri niðurstöðu
sýna sjálfstæði bæði í hópvinnu og einstaklingsvinnu
Gerð er grein fyrir námsmati og sundurliðun þess í námsáætlun.