Í þessum fyrsta áfanga í efnafræði er byrjað á því að láta nemendur vinna með hugtök og þekkingu úr grunnatriðum efnafræðinnar. Samtímis því eru nemendur þjálfaðir í þeim vinnubrögðum sem notuð eru við kennslu í þessari grein. Nemendur vinna saman í hópum og lögð er áhersla á sjálfstæði og ábyrgð nemandans á eigin námsframvindu.
Nemandi skal hafa öðlast þekkingu og skilning á:
hreinum efnum og efnablöndum
eiginleikum efna
uppbyggingu atóma, jóna og sameinda
efnatáknum og helstu efnahvörfum
lotukerfinu
nafnakerfi ólífrænna efna
mólhugtakinu
hlutföllum í efnahvörfum
styrk lausna og þynningar
rafeindaskipan atóma og jóna
punktaformúlum og áttureglunni
rafdrægni atóma og skautun efnatengja
Nemandi skal hafa öðlast leikni í að:
nota lotukerfi, rafdrægni- og jónatöflu
setja upp efnajöfnu og stilla hana
beita mólhugtakinu og vinna með tengsl þess við hlutföll í efnajöfnum
skrifa rafeindaskipan atóma og nota hana til að spá fyrir um hleðslu jóna
rita punktaformúlur (Lewis) fyrir atóm, sameindir og jónir
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum og bera ábyrgð á eigin námsframvindu
nota gögn eins og lotukerfi, jónatöflur og aðrar töflur við lausn verkefna
lesa úr efnatáknum og efnajöfnum
gera sér grein fyrir samspili efnafræði, stærðfræði og annarra náttúrufræðigreina
meta hvort niðurstöður útreikninga og mælinga séu raunhæfar
tengja efnafræðina við daglegt líf og umhverfi og sjá notagildi hennar
framkvæma verklegar æfingar og vinna úr niðurstöðum
Gerð er grein fyrir námsmati og sundurliðun þess í námsáætlun.