Fjallað er um gerð, eiginleika og efnahvörf helstu byggingarefna, orkuefna lífvera. Farið er ítarlega í sykrur, gerðir þeirra og tengi. Fituefni eru skoðuð, flokkun þeirra, hlutverk og helstu eiginleikar. Peptíð og prótein eru skoðuð vel, uppbygging þeirra og flokkun. Skoðuð eru ensím, virkni þeirra og hlutverk þeirra í efnaskiptum. Einnig er fjallað um efnaskipti þessara sömu efna í frumum líkamans þar sem helstu niðurbrots- og nýmyndunarferlum er lýst á sameindagrunni.
EFNA3LR05(ms)
Nemandi skal hafa öðlast þekkingu og skilning á:
lífefnunum: próteini, sykrum og lípíðum
helstu prófum fyrir afoxandi sykrur; Benedicts og Fehlings próf
gerð, hlutverk og flokkun lípíða og annarra fituefna
helstu efnahvörfum lípíða, herðing, þránun, vatnsrof og sápun
peptíðum og próteinum
ensímum; gerð, hlutverki og starfsemi
helstu þáttum sem hafa áhrif á hvarfahraða ensímhvataðs hvarfs
helstu þrepum sykurrofs (glycolysis)
helstu þrepum sítrónusýruhringsins (Krebs-hringur)
Nemandi skal hafa öðlast leikni í að:
finna hendnimiðjur í sameindum og vinna með hugtakið hendni
teikna upp byggingu lífefna í flokkunum: prótein, sykrur og lípíð
greina á milli helstu gerða lífefnafræðilegra sameinda og flokkun þeirra
teikna byggingar einsykra í beinkeðjuformi og hringtengdu hemiacetalformi
flokka hringtengdar einsykrur í α- og β-sykrur
teikna upp fitusýrur og þríglýseríð eftir lýsingu
teikna upp byggingu lípíða
teikna einfalt peptíð eftir lýsingu
lýsa helstu skrefum sem koma við sögu í efnaskiptaferlum eins og sykurrofi og sítrónusýruhringnum
Nemandi skal geta hagnýtt þá almennu þekkingu og leikni sem hann hefur aflað sér til að:
hafa heildarsýn yfir efnaskipti mannslíkamans
sjá tengsl milli náttúrufræðigreina og geta yfirfært þekkingu milli þeirra
tengja efnafræðina við daglegt líf og umhverfi og sjá notagildi hennar
takast á við frekara nám í efnafræði og tengdum greinum á háskólastigi
Gerð er grein fyrir námsmati og sundurliðun þess í námsáætlun.